悅滿軒

中秋同太太去撐枱腳，訂咗七點，服務員打俾我問可唔可以早啲到，因為七點多客怕出菜會慢，我改咗六點，但塞車六點十分先到，點咗一客湯，半打生𧐢（優惠價$10隻），沙律加兩個主菜。頭半個鐘上咗餐飽、湯同生蠔，之後一直等到七點四十分催服務員先上沙律，點知係俾錯另一款沙律，咁我就問佢其他主菜會唔會又落錯單，佢又答我唔到。最後決定連沙律都唔食，放低兩佰現金喺枱走人，費事繼續等又唔知俾錯啲乜俾我，反正廚房咁忙都唔知食物質素保唔保持到。原先預算花上千元的西餐，變咗去美孚食茶餐廳，慳咗唔少但敗興而回。老實講如果冇咁嘅容量就唔好接咁多訂枱，隨左一兩枱點意粉等上菜較快外，其他人都喺度等，有啲一枱十個人個幾鐘頭只飲湯及食蠔，真係叫人好難再幫襯。