Video
Read full review
2016-09-29
385 views
向來喜歡食日本菜嘅我，卻從來未食過Omakase，所以一位識飲識食嘅朋友，今晚專程帶我嚟到呢間日本餐廳，享受一頓難忘嘅Omakase。Omakase最開心嘅係，可以同廚師近距離接觸同交流，體會廚師為自己精心製作食物。由於用餐過程中，廚師會慢慢咁準備每款食物，當我食完一款先再準備呈上另一款，事前我亦完全唔知佢會整d咩，所有成餐晚飯都係充滿期待！結果，廚師今晚用心整左八款刺身、兩款熱食、六款壽司、最後仲有大蜆面豉湯同埋日本哈密瓜，可謂大滿足！廚師用心的樣子都幾吸引鮫鰈魚，薄切令肉質較爽口，味道鮮甜！鮮帶子，一開為二嘅帶子非常厚身，合共有三件（我估係一隻半帶子），食入口有少少海水嘅鹹味，超新鮮！厚岸生蠔，又大顆又夠飽滿，單睇未食就已經覺得過癮，加少少檸檬汁一齊食，甘甜鮮味十足！深海池魚，魚味濃郁，但無魚腥味，帶小小微甜！油甘魚，厚切，令肉質更爽囗。太刀魚，由於魚皮被輕輕火炙過，所以皮脆肉爽，非常有口感！鰹魚，大部份聽到鰹魚都係用嚟餚鰹魚湯，但今次難得試刺身，感覺完全唔同。肉質厚身，魚味重，配合蒜蓉同豉油輕醃過，味道濃郁，有別於其他刺身嘅味道。吞拿魚腩，魚油香，肥美肉厚。豚肉燒，醬汁濃得黎帶少
Omakase最開心嘅係，可以同廚師近距離接觸同交流，體會廚師為自己精心製作食物。由於用餐過程中，廚師會慢慢咁準備每款食物，當我食完一款先再準備呈上另一款，事前我亦完全唔知佢會整d咩，所有成餐晚飯都係充滿期待！
結果，廚師今晚用心整左八款刺身、兩款熱食、六款壽司、最後仲有大蜆面豉湯同埋日本哈密瓜，可謂大滿足！
廚師用心的樣子都幾吸引
鮫鰈魚，薄切令肉質較爽口，味道鮮甜！
鮮帶子，一開為二嘅帶子非常厚身，合共有三件（我估係一隻半帶子），食入口有少少海水嘅鹹味，超新鮮！
厚岸生蠔，又大顆又夠飽滿，單睇未食就已經覺得過癮，加少少檸檬汁一齊食，甘甜鮮味十足！
深海池魚，魚味濃郁，但無魚腥味，帶小小微甜！
油甘魚，厚切，令肉質更爽囗。
太刀魚，由於魚皮被輕輕火炙過，所以皮脆肉爽，非常有口感！
鰹魚，大部份聽到鰹魚都係用嚟餚鰹魚湯，但今次難得試刺身，感覺完全唔同。肉質厚身，魚味重，配合蒜蓉同豉油輕醃過，味道濃郁，有別於其他刺身嘅味道。
吞拿魚腩，魚油香，肥美肉厚。
豚肉燒，醬汁濃得黎帶少少甜味，而豚肉其實就係豬腩肉，所以有肥膏，入口即溶，但瘦嘅肉就有d韌，算不過不失。
白貝汁燒，淡淡嘅醬汁配合蜆肉，鮮味無比。
食完熱食，廚師又準備整壽司啦！但由於我同廚師講過，我唔想食太多魚生，所以廚師之後準備嘅壽司都好細心咁幫我用火槍輕輕火炙，太感動了！
牡丹蝦壽司，隻蝦超大隻，蝦味鮮甜。
平政魚壽司，魚嘅油脂非常充足，入口即溶，魚油一直留喺囗內一段時間。
秋刀魚壽司，個人唔係太鍾意食秋刀魚，因為怕腥，不過呢款秋刀魚無咩魚腥味，都算0k。
吞拿魚壽司，因為火炙過，所以食起嚟唔會太油膩。
鳥貝壽司，鮮甜爽口，帶海水鹹味。
海膽壽司，海膽嘅份量非常多，而且夠新鮮，充滿海水嘅鹹味，食完口腔有一點回甘，太正了！
蜆面豉湯，蜆嘅size非常大，鮮味完全融入面豉湯內，味道更豐富。
日本哈蜜瓜，呢款生果絕對係我嘅至愛，瓜嘅甜度及成熟度岩岩好，水份充足，食完為今晚晚餐劃上完美句號。今晚實在一試難忘！
Post
