Video
Read full review
2017-01-20
372 views
如果你想同好重視嘅朋友慶祝生日，你對選擇餐廳嘅要求係咩呢？我就會選擇有特色、有私隱、同埋有驚喜嘅地方。所以一般我唔會去選擇連鎖店或者太有人氣嘅餐廳，反而會去選擇一啲隱蔽嘅樓上鋪、私房菜。Moment 法國私房菜吸引我嘅地方，係我係Openrice 見到佢嘅環境非常之高雅，坐得好舒服，唔似follow 一般西餐廳既modern, cocktail 造型又靚到不得了，法國菜造型一定好靚，所以決定為特別嘅佢，選擇喺呢度慶祝生日。踏入餐廳，最吸晴嘅就係中間呢一行decoration ，巧妙甘將兩邊隔開。一邊係兩個座位嘅情侶空間，另一邊就係大枱。枱面有好多唔同嘅裝飾，又放咗好多乾花，非常精緻。老闆話遲啲會改動一下裝條，會將中間呢行甘靚既燈飾修改一下，變成一個大空間，可以20人一齊開party添。我同佢開開心心咁坐底，研究佢地五光十色既cocktail. 我好中意佢地造型非常浪漫既 Parfum de Femme HK 138. 浪漫既紫色 cocktail 放喺香水樽裏面，加上一束薰衣草，未飲已經沉醉左係佢浪漫嘅氣氛中。呢杯Perfum 有淡淡嘅薰衣草味，清香而隱隱約約可以飲到酒味，飲完一杯已經
Moment 法國私房菜吸引我嘅地方，係我係Openrice 見到佢嘅環境非常之高雅，坐得好舒服，唔似follow 一般西餐廳既modern, cocktail 造型又靚到不得了，法國菜造型一定好靚，所以決定為特別嘅佢，選擇喺呢度慶祝生日。
踏入餐廳，最吸晴嘅就係中間呢一行decoration ，巧妙甘將兩邊隔開。
一邊係兩個座位嘅情侶空間，另一邊就係大枱。枱面有好多唔同嘅裝飾，又放咗好多乾花，非常精緻。老闆話遲啲會改動一下裝條，會將中間呢行甘靚既燈飾修改一下，變成一個大空間，可以20人一齊開party添。我同佢開開心心咁坐底，研究佢地五光十色既cocktail.
我好中意佢地造型非常浪漫既 Parfum de Femme HK 138.
浪漫既紫色 cocktail 放喺香水樽裏面，加上一束薰衣草，未飲已經沉醉左係佢浪漫嘅氣氛中。呢杯Perfum 有淡淡嘅薰衣草味，清香而隱隱約約可以飲到酒味，飲完一杯已經覺得輕飄飄。
Special Long Island HK 100
千杯不醉嘅佢問老闆，邊杯cocktail 都強，老闆話佢20年前喺Disco 做嘅一杯 special Long Island ，八成內容由五種烈酒調製，但極易入口，香香甜甜，曾每晚大賣400杯！問佢有冇興趣挑戰一下？兩人二話不說達成協議！
呢杯八成酒精嘅 special Long Island 的確極易入口，初初你只飲到可樂嘅甜味，酒精嘅後勁都只係之後慢慢滲出，完全飲唔出佢既強烈既內涵，唔講真係估唔到係咁強烈嘅一杯特飲。呢杯特飲Menu上無嫁，如果自問酒量好嘅你，要直接問老闆，千其唔好錯過！是日我地選擇既係580 set dinner
老闆先上前菜，法式鵝肝上有用份子料理技術做嘅蘋果醬，伴上紅莓汁同脆餅，幼細而香滑。
蘑菇湯睇得見既蘑菇蓉用打得幼滑無比，飲既時候非常順喉，唔會俾一粒粒既蘑菇卡住卡住。問老闆啲磨菇點解可以搞得咁碎，原來佢添置左一部攪拌機，係可以一路搞碎蘑菇，一路烹調，淨係做出呢個效果，已經要搞個幾鐘，果然煮出嚟嘅效果非常細緻。
配搭蘑菇湯嘅係蟹肉多士。creamy 既蟹肉醬加上creamy 既蘑菇湯，yummy yummy! 主菜我選擇左魚鮮。
呢個石斑三文魚塊，係我最近食既海鮮料理中，最滿意嘅選擇之一。
大廚每日從街市挑選新鮮石斑，切片蒸蒸後包裹三文魚肉，三文魚魚味濃，石班外層爽口，兩者都係魚中之皇，好新鮮，呢個配搭真係好正。
第二杯Cocktail 我由老闆幫我挑選，佢整左杯 Rose Martini HK 120
呢杯Rose Martini 好適合鍾意玫瑰花香同甜美嘅朋友。飲起上嚟好似食緊糖咁甜蜜，玫瑰花香特別醒神，荔枝味亦非常突出，我諗係係女仔都一定會鍾意。最後，大廚送上精製既生日蛋糕。
呢個甜品用Tiramisu 同蘋果批構圖而成。
將Tiramisu 拆件做成花園，蛋黃吉士打底，曲奇打碎鋪面造成泥土效果，"花園"上種左各種Berry 嘅盆栽，仲有一朵玫瑰。
呢朵玫瑰係用Pizza嘅餅底，加上芝士同蘋果造成，熱熱既，脆脆既，暖在心頭。
呢個Happy Birthday 用咗 Baby Blue 造成雲同彩虹，唔知點解覺得好sweet ，好有童年回憶，好可愛。
唔知係咪酒精嘅作用影響，成個人都飄飄然，加上睇到呢個童真既構圖，心裏暗暗感動，店家既每道菜，每個細節都好用心機。真係千金難買今朝醉，很珍惜這一個Moment，而你又會唔會選擇同至愛黎呢度分享屬於你地兩人嘅 special Moment ?
Post
