韓泰尚 (Closed)

本身同阿媽行完街，經過見到呢間餐廳唔使等位，又唔想周圍搵，就決定試下呢間，有韓式同泰式結合做招牌，叫左一個泰式海南雞金邊粉同豬頸肉米粉，其實味道普通，主要想講店鋪衛生問題，我見到應該係果個老闆娘在大碟夾雞翼放住對筷子，夾完之後對筷子放入口裡，完放番在枱上，我心裡已經好反感，唔知仲會唔會下次再用來夾食物，當時我還未用餐，但我用餐對筷子都要拎杯熱水洗一洗…之後我見隔離有枱食客食完離開，枱上食剩兩隻雞翼唔食，老闆娘正在執枱，見她收淨枱上得碟雞翼只剩兩隻，沒有掉走，覺得奇怪，唔通會留番放入雪櫃裡面碟雞翼循環再用嗎！？之後見佢拎左入去bar枱上，真係沒有掉，唔通自己食埋，見佢好耐都冇處理碟雞翼，我見佢之後想打算打開雪櫃，拎番原有一大碟雞翼出黎之際，我眼看住她，就沒有繼續這樣做…不過我都食完去櫃台埋單走，但我估我離開之後，佢都會把兩隻雞翼放回原有的雞翼碟內，真係從沒有想過現在食店會在客人做這行為，我以後真係不會再光顧…真係反感對這樣做生意的手法…