Video
Read full review
2023-12-27
21 views
係我食過最有誠意嘅廚師發辦🍣 坐喺隔離嘅全部都係熟客仔，食完就知點解大家都會encore😋 呢間真係好有信心會介紹俾身邊嘅朋友！午餐呢個價錢個人認為非常值得！嚴格挑選時令食材，以冰見寒鰤打頭陣，切成冰粒嘅形狀，味道似中拖羅，相當肥美，但又唔會油感太重。銀鱈魚白子，用左炭燒方法，外層脹卜卜，口感帶點煙靭，入面綿滑，完全冇腥味。師傅介紹製作八爪魚，要先按摩一個鐘再煮三個鐘。八爪魚吸收咗大量嘅蔬菜甜味，裙邊位置滑嫩，個芯位都好Juicy，好難得八爪魚都可以咁入味。鮟鱇魚肝來自北海道，相當肥美，又係時令食材。師傅用慢煮方法，浸一晚，最後加入麵豉醬、紫蘇花作點綴，口感滑到好似食緊雪糕咁，味道極香濃😍新鮮磯煮鮑魚口感彈牙，肝醬加飯真係無敵嘅組合，齒頰留香！-金鯛立鱗燒嘅魚皮好似薯片咁脆，蒸魚好嫩滑，雙重口感享受。真鯛·赤貝·深海池魚墨魚海膽·活北寄貝·牡丹蝦大拖羅·玉子燒是日壽司，每款都好新鮮，墨魚海膽好有驚喜，基本上冇咩需要挑剔。最後試埋師傅自家製甜品抹茶奶凍·橙果凍·栗子蛋糕實在係非常滿足，而且真係超飽🤣😋
係我食過最有誠意嘅廚師發辦🍣 坐喺隔離嘅全部都係熟客仔，食完就知點解大家都會encore😋 呢間真係好有信心會介紹俾身邊嘅朋友！午餐呢個價錢個人認為非常值得！
嚴格挑選時令食材，以冰見寒鰤打頭陣，切成冰粒嘅形狀，味道似中拖羅，相當肥美，但又唔會油感太重。
銀鱈魚白子，用左炭燒方法，外層脹卜卜，口感帶點煙靭，入面綿滑，完全冇腥味。
師傅介紹製作八爪魚，要先按摩一個鐘再煮三個鐘。八爪魚吸收咗大量嘅蔬菜甜味，裙邊位置滑嫩，個芯位都好Juicy，好難得八爪魚都可以咁入味。
鮟鱇魚肝來自北海道，相當肥美，又係時令食材。師傅用慢煮方法，浸一晚，最後加入麵豉醬、紫蘇花作點綴，口感滑到好似食緊雪糕咁，味道極香濃😍
新鮮磯煮鮑魚口感彈牙，肝醬加飯真係無敵嘅組合，齒頰留香！
-
金鯛立鱗燒嘅魚皮好似薯片咁脆，蒸魚好嫩滑，雙重口感享受。
真鯛·赤貝·深海池魚
墨魚海膽·活北寄貝·牡丹蝦
大拖羅·玉子燒
是日壽司，每款都好新鮮，墨魚海膽好有驚喜，基本上冇咩需要挑剔。
最後試埋師傅自家製甜品
抹茶奶凍·橙果凍·栗子蛋糕
實在係非常滿足，而且真係超飽🤣😋
Post
