欽記粉麵

Open Now

Now Closed

宜間位於大埔墟街市的欽記，黎過三次再試，但都無開門。今次黎竟然有開，當然要試下啦！！欽記粉麵其實只賣魚蛋/魚片粉。可選擇河粉/米粉/麵。一碗魚蛋粉$32有5粒小魚蛋，3塊魚片同幾塊炸魚皮。可以加底$34，加餸$37，淨餸$38，淨魚皮$38! 湯底原以為會好淡，但飲落有味，食粉麵不會太淡。每碗麵會跟一小碟辣椒油，加埋一齊食特別香。魚蛋幾彈牙，味道適中（比同區的蔡潤記好食）魚片比魚蛋濃味，少少咸（比蔡潤記厚切，口感好d，但較咸，味道的話蔡潤記勝）河粉較厚身，不夠滑，但可接受。粉麵送魚皮無需另行叫。魚皮好脆，但要盡快食以免浸到湯內淋了。總括，魚蛋魚片不錯，普通分量都夠，特別鐘意他的魚皮，好脆好香口，感覺新鮮炸又沒有油益味！可以再encore!