Brass Spoon (Closed)

呢間越南粉選擇少，價錢貴、食物味道非常一般！性價比超低！90幾蚊食碗粉冇嘢飲，味道重唔OK。叫咗生牛肉湯河$96及熟牛肉湯河$90每樣一碗。熟牛肉湯河變咗牛腩，幾難食下。原來生牛肉同熟牛肉用兩款完全唔同嘅肉，熟牛肉變咗牛腩咁嘅款。湯底求其，真係食越棧嗰啲好過佢。90幾蚊再加1，成$100一碗真係性價比低。另外散叫咗春卷$61，口感硬脆。而且碗粉啱啱食完放低筷子，店員就即刻收野。當日只有三成客滿都好似好趕住收嘢咁，大概食咗半個鐘就走人。