金滿庭京川滬菜館 (時代廣場) (Closed)

曾經幫襯過的菜館，上星期六趁有時代廣場飲食優惠券去試試。果然中招，清水一樣難食的花膠雲吞雞（276蚊），冇煎過淡而無味的鍋貼，像漿糊難食的雞絲粉皮，像垃圾一般銀芽肉絲所謂雙面黃（還好意思收人108蚊1碟），隔夜整定用微波爐返熱的荳沙煱餅（62蚊），連20蚊難食的花生和茶芥埋單要756蚊減番350蚊，最後要盛惠406蚊。我老婆一路食一路閙，想叫店長嚟反映，但見各店員太忙，我叫停她。如各位想去幫襯，請三思！