Video
Read full review
2023-01-10
4497 views
聽過佢個名好耐，早過好多間上海鋪而享譽全港的經典生煎包，可惜係南洋酒店嘅分店約過幾次都食唔到，今年開番灣仔點之後，紅磡分店都開咗，我近紅磡，當然食紅磡啦。呢一晚終於食到，佢嘅火瞳雞燉津白湯，睇就知佢同樣做到皇仁舊生會佛跳牆個膠質效果，而且煲得好好，基本上如果你過嚟食，你一定唔可以錯過呢個湯。除咗個津白湯之外，好多個菜式都有番咁上下水準，而且好多菜式都係要早一晚預訂。前菜食左好多個蘿蔔絲海蜇皮，醉香乳鴿，酒糟牛脷，口水豬手，各有自己特色，蘿蔔絲海蜇皮同平時嘅都唔同，加上蘿蔔絲勁爽勁脆，絕對係只此一家。牛舌食得多，酒糟牛脷就未試過，淡淡的酒香，而且牛脷好薄，刀功盡顯。醉香乳鴿個酒香濃得多，飲開酒就當然鍾意呢個多啲。不過口水豬手又係另一個濃味之選，口水做法同平時有少少唔同，用上好多嘅蔥花，香氣更加茂盛。尾段同樣係前菜嘅鎮江肴肉，老婆勁鐘意，因為佢話未試過肴肉味道咁濃烈，加個醋後係真心夾。火瞳雞燉津白湯就咁得菜同雞同火腿都可以做到咁嘅效果，真係好精彩，同皇仁舊生會覺佛跳牆味道有得比較，真心正，不過又係飲兩三碗就已經會好飽，津白甜到好似食糖咁。揚州素黃雀，聽呢度嘅員工介紹，呢一個菜式嘅做法非常之
呢一晚終於食到，佢嘅火瞳雞燉津白湯，睇就知佢同樣做到皇仁舊生會佛跳牆個膠質效果，而且煲得好好，基本上如果你過嚟食，你一定唔可以錯過呢個湯。
除咗個津白湯之外，好多個菜式都有番咁上下水準，而且好多菜式都係要早一晚預訂。
前菜食左好多個蘿蔔絲海蜇皮，醉香乳鴿，酒糟牛脷，口水豬手，各有自己特色，蘿蔔絲海蜇皮同平時嘅都唔同，加上蘿蔔絲勁爽勁脆，絕對係只此一家。
牛舌食得多，酒糟牛脷就未試過，淡淡的酒香，而且牛脷好薄，刀功盡顯。
醉香乳鴿個酒香濃得多，飲開酒就當然鍾意呢個多啲。不過口水豬手又係另一個濃味之選，口水做法同平時有少少唔同，用上好多嘅蔥花，香氣更加茂盛。
尾段同樣係前菜嘅鎮江肴肉，老婆勁鐘意，因為佢話未試過肴肉味道咁濃烈，加個醋後係真心夾。
火瞳雞燉津白湯就咁得菜同雞同火腿都可以做到咁嘅效果，真係好精彩，同皇仁舊生會覺佛跳牆味道有得比較，真心正，不過又係飲兩三碗就已經會好飽，津白甜到好似食糖咁。
揚州素黃雀，聽呢度嘅員工介紹，呢一個菜式嘅做法非常之繁複，好有心機，愛豆類腐皮嘅人士一定會愛上。
翡翠河蝦球好有特色，點解綠色嘅？因為加左菠菜汁，蝦球彈牙又好食，而且菠菜味好特別，呢個都幾值得推薦。
我非常鐘意呢個手撕童子雞，無他，唔駛郁手，每啖都係肉，開心，童子雞啲肉又嫩，點會唔好。
燒過的煙燻河鰻，真係有好香嘅煙燻味，而河鰻肥美到一個點，呢個又係不能錯過。
百頁結紅燒肉，燒肉好正，但我個人覺得百頁結才是重點，好有口感，加上個紅燒汁，真心正。
經典生煎包同小籠包都係呢度嘅名作，生煎包故事你聽過好多，唔駛介紹，小籠包皮薄餡足，好得。
雪園芝麻球完全唔甜，好特別，記住要睇熱，唔係實辣到嘴。
我同老婆已經決定做節再番黎食飯，試其他唔同菜式，期待下次再食。
Post
