Häagen-Dazs (Closed)

一盒七星伴月,未到中秋經已食晒。今年設計係鑽石形,幾特別幾靚,中間個「月」size較大,係呍呢嗱雪糕,個心有芒果雪葩做「黃」,原來加左個「黃」係好味d既,其他「七星」無芒果雪葩,淨係朱古力包住一種味既雪糕,無咁好味!不過幾多朱古力,因為除左包住雪糕既外層之外,每個上面仲有一片有haggen-dasz既朱古力,好在唔算太甜,所以我唔覺得好漏。「七星」味道分別有士多啤梨、香蕉、士多啤梨芝士蛋糕、夏威夷果仁、比利時朱古力、咖啡、曲奇。其中,比利時朱古力太甜,夏威夷果仁最有口感,有好多一粒粒既果仁,士多啤梨同香蕉最清最好味!我好鍾意食雪糕同朱古力,所以覺得好好食,但係無咁鍾意既人可能會覺得不外如是,因為其實所謂雪餅月餅都係雪糕,除左個樣之外唔會有其他特別野,但係我係雪糕迷,所以會買黎應節!