Video
Read full review
2021-04-18
1123 views
雲南人家風味餐廳最近米線鋪大熱 見到蘋果出咗個米線專訪 就決定試食其中推介8間餐廳 其中一間就係呢間雲南米線店鋪名冇改 真係雲南餐廳😂 小店位置唔算隱蔽 店內所售賣嘅食物又唔多 當日去到想試嘅兩款特色都冇貨（可惜）就叫咗招牌豆花米線豆花米線$35入口微熱 唔算係涼拌嘅凍 但米線質地爽口彈 豆花嫩滑帶有微豆香 建議撈勻嚟食 但隻汁唔係我以前食開嗰隻酸辣 呢款酸係用酸菜嘅酸 同辣汁撞埋一齊就曬得有啲唔夠搭 如果用翻黑醋隻酸可能會好啲 但如果未食過豆花米線都算值得 而且35實在係抵食 而如果係男仔食嘅話 份量可能略嫌有啲不足 推介指數4星雲南乳餅$60見佢豆花米線做得唔差 就叫埋佢嘅另一款特色雲南乳餅我第一次食嘅時候 就係係雲南 而當時係行當地啲菜市場見未買過就買黎一試 結果賣乳餅嘅姨姨同我講 要拎去啲燒烤叫人幫你加工 烤香先好食 結果一試難忘 岩岩新鮮出爐 烤到微微發焦 食落香濃嘅奶香味 一啲腥味都冇 一個正吖講翻正題 其實乳酪要焗 所以最好提前叫 因為都等得幾耐吓 但乳餅焗得香口 厚薄足夠 入口有咬口之餘 啲奶香就隨住咀嚼不停咁散發 如果鐘意食奶香味食物嘅人應該會食到停唔到口 但正正因為
最近米線鋪大熱 見到蘋果出咗個米線專訪 就決定試食其中推介8間餐廳 其中一間就係呢間雲南米線
店鋪名冇改 真係雲南餐廳😂 小店位置唔算隱蔽 店內所售賣嘅食物又唔多 當日去到想試嘅兩款特色都冇貨（可惜）就叫咗招牌豆花米線
豆花米線$35
入口微熱 唔算係涼拌嘅凍 但米線質地爽口彈 豆花嫩滑帶有微豆香 建議撈勻嚟食 但隻汁唔係我以前食開嗰隻酸辣 呢款酸係用酸菜嘅酸 同辣汁撞埋一齊就曬得有啲唔夠搭 如果用翻黑醋隻酸可能會好啲 但如果未食過豆花米線都算值得 而且35實在係抵食 而如果係男仔食嘅話 份量可能略嫌有啲不足
推介指數4星
雲南乳餅$60
見佢豆花米線做得唔差 就叫埋佢嘅另一款特色雲南乳餅
我第一次食嘅時候 就係係雲南 而當時係行當地啲菜市場見未買過就買黎一試 結果賣乳餅嘅姨姨同我講 要拎去啲燒烤叫人幫你加工 烤香先好食 結果一試難忘 岩岩新鮮出爐 烤到微微發焦 食落香濃嘅奶香味 一啲腥味都冇 一個正吖
講翻正題 其實乳酪要焗 所以最好提前叫 因為都等得幾耐吓 但乳餅焗得香口 厚薄足夠 入口有咬口之餘 啲奶香就隨住咀嚼不停咁散發 如果鐘意食奶香味食物嘅人應該會食到停唔到口 但正正因為奶香重 所以對於我黎講 通常一件起兩件止 要同朋友一齊黎Share先岩岩好 🤣🤣
特色推介指數 5星（正宗雲南風味小食）
玫瑰木瓜冰$16
唔好比佢個夠呃到 唔係我地平時食開嘅木瓜 佢係由一種食物籽製成類似於果凍質地嘅野像 由於加咗玫瑰（雲南好出名用玫瑰黎整野食）成杯野飲清香曬 好解膩 口感味道亦好特別 就係冇得跟餐便啲買 所以性價比不高
特色推介指數 3.5星
整體黎講 雲南風味十足 但店鋪食物種類有限 食中午食仲可以 夜晚就會唔夠啦
豆花米線
$35
281 views
1 likes
0 comments
Post
