沾仔記 (兆英商業大廈)

Open Now

Now Closed

沾仔記呢個名大家都應該好熟悉，事關佢喺香港都屹立左好多年，加上係米芝蓮車軚人推介美食， 所以平時生意都唔錯，中環呢間分店，去到lunch hour 更加係由樓下鋪 ，排隊排到上地面 ，再轉彎😅！介紹吓呢度最出名嘅雲吞🤗今日我食雲吞米粉～🌟雲吞size大過乒乓波，每粒雲吞裏面至少有三隻蝦＋豬肉，食落十分爽口，個皮亦都冇乜鹼水味，果然名不虛傳！呢度係用上比較粗條嘅米粉，鍾意口感嘅朋友就啱哂喇！而且呢度阿姐都好殷勤，如果你叫佢多葱嘅話，佢真係會俾成碗葱你😁🌟油菜一碟只係10幾蚊，仲可以俾你揀要蠔油定係菜湯👍👍👍中環區呢個價位，食到呢個質素，CP值極高👍