Video
Read full review
2024-12-10
209 views
袁記雲餃終於係荃灣開店啦! 係內地已經有超過3000間分店, 香港都有十多間; 店內有超過20款餃子、雲吞, 全部都係現場新鮮即包, 成個環境乾淨企理, 製作雲吞的位置用大玻璃隔住, 乾淨衛生, 睇住人包, 真係幾開心呀! (你知啦, 雲吞餃子放得耐會變壞呀!) 牆上仲有一幅由香港一個很有名山水畫家, 何百里所題的字畫, 由何老師送贈, 何老師係嶺南山水畫派第一人。我同老公有時唔食飯, 都好鍾意食雲吞餃子當一餐; 附近有間酒店, 我地食野期間都有啲外國客人入店幫襯呀! 我地今日係新店叫咗幾款食下, 呢度全部都係皮薄肉厚, 每一口都非常足料。全部雲吞餃子可以揀清湯 / 乾拌 / 混醬乾拌, 隨意配搭, 又或者花生醬配辣油, 呢個吃法係未好新奇呢? 我地揀咗三鮮蝦仁餃併全家福餃子, 鮮蝦蟹籽雲吞, 兩碗都係清湯上。呢度嘅鮮蝦雲吞同普通嘅雲吞有啲唔同, 因為佢加咗蟹籽, 令到食落去更多爽脆嘅感覺, 而且好香, 鮮蝦好爽口。佢每一粒都係一啖一口, 大細啱啱好。全家福餃子嘅餡料就除咗鮮蝦就咩都有, 啱哂啲三心兩意嘅人。香茜芹菜鮮肉餃, 香菇木耳鮮肉餃就叫咗招牌煎做法; 招牌煎餃煎得好乾身, 但
我同老公有時唔食飯, 都好鍾意食雲吞餃子當一餐; 附近有間酒店, 我地食野期間都有啲外國客人入店幫襯呀! 我地今日係新店叫咗幾款食下, 呢度全部都係皮薄肉厚, 每一口都非常足料。全部雲吞餃子可以揀清湯 / 乾拌 / 混醬乾拌, 隨意配搭, 又或者花生醬配辣油, 呢個吃法係未好新奇呢?
我地揀咗三鮮蝦仁餃併全家福餃子, 鮮蝦蟹籽雲吞, 兩碗都係清湯上。呢度嘅鮮蝦雲吞同普通嘅雲吞有啲唔同, 因為佢加咗蟹籽, 令到食落去更多爽脆嘅感覺, 而且好香, 鮮蝦好爽口。佢每一粒都係一啖一口, 大細啱啱好。全家福餃子嘅餡料就除咗鮮蝦就咩都有, 啱哂啲三心兩意嘅人。
香茜芹菜鮮肉餃, 香菇木耳鮮肉餃就叫咗招牌煎做法; 招牌煎餃煎得好乾身, 但內裡仲保持好多肉汁, 熱辣辣食, 仲可以係自助醬料站加豆辦醬一齊食仲好味呀。香茜芹菜鮮肉餃, 香茜芹菜好鮮味, 我都幾鍾意呢款呀!
白菜鮮肉餃+玉米鮮肉餃每款半份, 用紅油幹拌; 呢個唔係好辣, 但好惹味; 白菜鮮肉餃多汁鮮味, 玉米鮮肉餃啲玉米粒粒都好飽滿, 好香甜。
另外叫咗個醬骨架, 佢燉到啲肉好淋好入味, 肉同骨好容易分離, 唔錯! 飲品叫咗凍豆漿同凍檸茶; 而除咗普通嘅豆漿之外, 呢度仲有一款好特別嘅嘢, 係鮮榨粟米汁, 用新鮮嘅粟米去榨汁完全冇落糖, 都見到好多人叫嚟飲, 下次試下先。
Post
