正斗粥麵專家 (新城市廣場一期)

Open Now

Now Closed

終於知道點解呢間粥麵店未到十二點已經爆滿，因為真係幾好食。要坐到最入嘅位置，都好嘅，無咁多人環境靜啲。唔晒諗即刻叫咗碗雲吞麵，蝦同肉嘅比例啱啱好，一啖一粒，皮夠薄，唔錯！麵無梘水味，湯用最傳統嘅做法——大地魚湯，好鮮甜。加埋一的話70幾蚊，其實又唔算貴，好食咪得囉，食碗拉麵都唔止呢個價啦。朋友就叫牛肉撈麵，好搞笑，佢話因為貪佢唔熱，天氣熱唔想食湯麵。牛有口感有牛味，我無食到，唔知個湯係咪一樣呢？最後叫多個菜苗餃，一籠四粒，我口細分兩啖食，都足料。最意想不到係杯豆漿，豆味濃一啲都唔甜，睇嚟下次要試埋正斗啲糖水。