Video
Read full review
2017-06-17
4271 views
身邊有啲朋友好鐘意食米線，而我地就唔係特別喜好，但偶然lunch唔想食碗飯落肚，都會搵麵或者米線食。太子呢邊都有好多米線店，個人就傾向較重口味嘅，所以好多時都會食雲貴川，一來味道唔錯，二來姐姐啲招呼幾好。餐廳係一般米線店格局，唔會話特別闊落架喇，逼逼地食個快飯，加上人流不斷，偶然都要等位，我地亦都唔好意思話食好耐或者打躉。主要供應米線、薯粉，另有小食，價錢合理。點單富彈性，辣度、酸度、芽菜、韭菜、芫茜等走乜走乜，多乜多乜，連米線都可以揀爽啲、淋啲、淡啲等，一律由客人自行畫紙仔選擇，唔怕同呀姐講會麻煩。米線分小鍋、清湯、酸辣、麻辣、涼拌，定價 $22/25，可以加3蚊轉薯粉，湯底有鮮肉碎、酸菜、芽菜、韭菜。配糔料方面都係大路野，定價 $5/6/7/9。小食方面有青瓜、口水雞、土豆絲、雞翼等，呢啲一向都係米線店較賺錢嘅一環，因此定價稍高。酸辣米線+辣腩肉+豬腸+魚肉春卷 $48 (小辣)男朋友食開呢款，辣度剛好，微微酸味，米線食落滑身，軟硬適中，相對薯粉，建議食番米線。辣腩肉切得薄身，已入味豬腸用上大腸位置，夠腍身魚肉春卷較為失望，食落硬身，裡頭唔係好夠熱。平時都通常會點響鈴，呢度都幾細心
餐廳係一般米線店格局，唔會話特別闊落架喇，逼逼地食個快飯，加上人流不斷，偶然都要等位，我地亦都唔好意思話食好耐或者打躉。
主要供應米線、薯粉，另有小食，價錢合理。點單富彈性，辣度、酸度、芽菜、韭菜、芫茜等走乜走乜，多乜多乜，連米線都可以揀爽啲、淋啲、淡啲等，一律由客人自行畫紙仔選擇，唔怕同呀姐講會麻煩。
米線分小鍋、清湯、酸辣、麻辣、涼拌，定價 $22/25，可以加3蚊轉薯粉，湯底有鮮肉碎、酸菜、芽菜、韭菜。
配糔料方面都係大路野，定價 $5/6/7/9。小食方面有青瓜、口水雞、土豆絲、雞翼等，呢啲一向都係米線店較賺錢嘅一環，因此定價稍高。
酸辣米線+辣腩肉+豬腸+魚肉春卷 $48 (小辣)
男朋友食開呢款，辣度剛好，微微酸味，米線食落滑身，軟硬適中，相對薯粉，建議食番米線。
辣腩肉切得薄身，已入味豬腸用上大腸位置，夠腍身魚肉春卷較為失望，食落硬身，裡頭唔係好夠熱。
平時都通常會點響鈴，呢度都幾細心，會分開上，避免浸淋。
湯底唔鹹，酸酸辣辣，不自覺就會食完一碗
酸辣米線+辣腩肉+豬腸+魚肉春卷
$48
111 views
0 likes
0 comments
魚肉春卷
48 views
0 likes
0 comments
麻辣薯粉+芝士丸+生菜 $39 (中辣)
一人一碗我就唔洗遷就對方，點中辣，見到碗薯粉啱色水都嚇一嚇，好在都食到
湯底以辣味為主，冇一陣油，麻度一般，花椒唔多，食落唔會太嗆，唔會突然麻到爆，至少我就冇流哂鼻水，辣度剛好。
薯粉較為可惜，粗身但煙韌度一般輕輕一咬就斷，唔夠平時食開嘅酸辣粉好食。
裡面肉碎、酸菜唔係太多，揀嘅配料係芝士丸、生菜，夠新鮮
麻辣薯粉+芝士丸+生菜
$39
82 views
0 likes
0 comments
鴛鴦烤雞翼 $26/4隻
雞翼有兩款，炸醬烤及麻辣烤，即叫即做，兩款都係重口味之選。
煎得剛好，一食離骨，食落唔乾唔柴，雞肉都入到味，唔係得層皮。特別鐘意麻辣烤，香口惹味
鴛鴦烤雞翼
$26
38 views
0 likes
0 comments
紅油青瓜併皮蛋 $24
青瓜爽口，不過切得唔係好開，較大件。調味唔夠重手，辣度一般。
皮蛋反而幾好食，溏心架
紅油青瓜併皮蛋
$24
45 views
1 likes
0 comments
蒜泥白肉 $28
份量頗多，白肉切成薄片，肥瘦相隔，蒜味適中唔過火，唔會好辣，容易入口。
肉質唔算嫩但唔鞋，白肉連皮，有少少咬口，呢層係個人喜好，有啲人未必鐘意。
蒜泥白肉
$28
89 views
0 likes
0 comments
檸檬可樂、檸檬利賓納 $10/杯
檸檬可樂、檸檬利賓納 $10/杯
62 views
0 likes
0 comments
總括而言，雲貴川嘅米線就幾啱我地重口味嘅人，價位正常，質素比起附近幾間好，難怪成為男朋友午飯之選。
Post
