Mamma Mia Z Gelato (Closed)

今日係紅磡吃得飽飽後，四處找尋甜品以滿足第二個胃。行到紅磡商場地下，見到banner寫住無糖！無脂肪！即時兩眼發光！原來係一間叫 MAMMA MIA Z GELATO 嘅雪糕店。主打健康低脂細滑嘅意大利gelato 。起初想食waffles 或者pancake，但無奈太大份，以免食唔落浪費食物，只叫咗two scoops 雪糕球。雪櫃有成20款味道選擇，真係會眼花繚亂，心大心細。最後揀咗Lady Kiss 杏仁榛子朱古力，以及Cookie and cream 朱古力曲奇。榛子味香濃，曲奇味唔會太甜。一路食都唔會有罪惡感。要提醒一下，並不是所有gelato都係無奶製品，對奶類製品敏感嘅朋友要係選擇前詢問一下店員。Mamma Mia G Gelato 為今晚畫上完美句號。