Goobne Chicken (The Hart)

Open Now

Now Closed

     好耐無食韓式炸雞啦，聽好多同事都話呢間好食，所以同男朋友一齊去試下，下午2点去到無乜人..我唔食到辣；所以點左一個甜甜地咖哩蜜糖烤雞，點左一個我最愛的芝士排骨，呢個食完好滯同好膩的感覺，所以食完夜晚果餐我都無再食飯和其它野，一直飽到聽朝.不過呢杯帶條鯊魚的藍色鯊魚之淚飲品都幾貴，成七十幾，但系覺得只是普通沙冰飲品，個烤雞就熱辣辣，一陣陣香甜的蜜糖味，咬開好多汁，鮮嫩無比的感覺，好正，雞胸位也唔覺得“鞋”，連雞皮都烤到無肥膏存在，因為我一向好怕食到雞皮果D肥肥的感覺，呢下先最正，我一定會再食的，芝士排骨一定要熱的時間才可以包住舊排骨，一凍小小就會無辦法再包番舊骨架，所以一定要趁熱時自己就快手快腳 包左先食呀，旁邊還伴有薯角、西蘭花和紅蘿蔔。我男朋友都不斷食D醃蘿卜同西蘭花先可以解到膩的感覺，呢個前菜系不可缺少的。