金聯蒸氣海鮮鍋 (Closed)

舊公司係塘尾道，班舊友話係舊公司集合，係附近搵野食，一行有10個8個，都係去酒樓食多，點不知有個阿姐話去金聯吃，我還是以為係酒樓，我呢D論資排輩都無得出聲的。一去到金聯，有點驚訝，不…不是酒樓？會不會坐到我們10個8個呢？然後阿姐同知客打左聲招呼，話入去啦！等左都無一分鐘喎…入到去係有一千零一間VIP房，房入面有我最愛的…唔係林峯..係電視機!!仲播緊BOBBY拍緊的蘇東坡…立即撈電視汁，都唔理佢地叫咩菜了。好快黎左D小吃，我覺得有趣的是”連藕餅”，中間仲夾住D豬肉，炸得表面鬆脆乾身，內裡有點豬肉咸香和肉汁包住，非常可口。其實我不得不提一下的是手拍青瓜，可能我是河童(小名)，真係愈來愈喜歡青瓜，呢到D青瓜有D似係日本青瓜，多水份又甜，手拍得黎不會麻，有少少香、辣，好岩我們唔吃得辣的人食枱中間有個洞，係用黎食蒸氣鍋，呢個得2層，上面放材料，下面放米和水。吃蒸氣鍋當然都要吃幾樣海鮮，而我比較愛吃他們的蝦和蟶子，好鮮甜，蒸完保留了本身的原汁原味，又不會韌，加少少豉油就已經夠哂味。