俺流塩らーめん (新都會廣場)

Open Now

Now Closed

同朋友行緊新都會廣場既時候，比呢間夾起電梯中間既拉麵店吸引左！係咁開揚既環境底下，都有好多人排隊食。所以，我地都跟隊去食～黑蒜油熟成濃湯拉麵佢既賣相同餐牌都幾大分別。個蛋係成隻上，要自己分番一半。同埋岩岩一上菜，我仲以為佢冇比到叉燒我，點知係沉左麵底。得一塊叉燒，好在塊叉燒都好食。麵質我簡左軟，而湯底方面，好濃同時咸左Ｄ，如果佢可以淡番１、２度，咁就會最好啦！特製撈麵首先外貌係好吸引，尤其個蛋黃就非常吸晴了！同拉麵一樣，叉燒都係得一塊。而麵質比較粗身，撈起麵上黎特別易。而醬汁方面，都幾特別，好似日式同港式既醬料混合體，不愧係特製。整體黎講，都幾好食。