名館 (Closed)

早幾日睇無線既都市閒情介紹呢間餐廳，見d野食好精緻，又新奇，特別係個麻雀十三么🀄，充滿玩味，於是決定搵埋幾個舊同事一齊試試。成枱十三么 好搞笑 。海蜇頭好爽脆 食到最後青瓜配埋陳醋好fresh好開胃，好快就被我地KO 。個湯個器皿好似睇古裝劇小二幫人斟酒既壺咁，仲比埋有隻小杯比我地淺嘗🍻 （電視機中毒太深 ）怕食唔哂做大嘥鬼，叫左半枱十三么 。真係幾像真食完即刻想打牌🏊 。我地仲叫左黑松露炒蛋、咕嚕肉、小籠包、蝦餃同鮮茄豬扒焗飯，估唔到呢度連西菜點心都有，岩哂我地呢d三心兩意又鐘意玩野既人。