Sabatini 意大利餐廳

Open Now

Now Closed

太太生日,訂了位於帝苑酒店著名的意大利菜Sabatini。環境格調都很浪漫, 柔柔的燈光配搭木天花, 傳統,古老,溫暖。每張枱一支燭光, 沒有9唔搭8的枱布。面包是上次去歐洲時的味道, 最重要係唔會損咀。經過侍應一番耐心介紹後, 太太點了海鮮意粉, 我就點了侍應極力推介的阿根廷紅蝦意粉。海鮮意粉好穩陣, 唔會太特出又唔會出錯。紅蝦意粉有點偏咸, 未到過意大利, 唔知係咪傳統意大利菜都係咁咸呢?樂隊會每台獻唱, 第一次聽歌會聽到起雞皮, 係動聽得起雞皮, 真的很震撼, 很難忘。飯後甜品是曲奇和朱古力。想不到親身經歷後, 最欣賞 Sabatini 的是氣氛,環境 和樂隊。