金竹苑中菜廳 (Closed)

星期一 blue blue 地, 同男友人去左明星飯堂金竹苑。入面裝修好瑰麗堂皇, 乾淨企理, 由於是上樓店, 所以有d私房菜feel。而上一層是同集團的麻雀俱樂部，你話霸唔霸氣先? 當睌全埸有三圍, 其他貴賓都入哂房食。侍應姐姐好斯文溫柔, 服務唔錯。 係咁乾淨嘅環境下, 心情自然好。點左樣呢幾年來食過最好食的瀨尿蝦 - 避風塘瀨尿蝦! 師父揀出最大隻的蝦去殼, 沾上圴勻的粉, 再放落油鑊炸。最考功夫的是火喉同油的滾度。而整件蝦不太油膩, 鮮蝦肉汁鎖住了, 咬一啖, 慢慢流入口中, juicy 得來肉又爽, 渾入金黃鬆脆的油皮上, 脆卜卜而且甜到令人心曠神怡。配料更不得了, 是師博精心炮製的乾辣椒，用來吊味岩岩好! 輕輕夾起來細䇠望, 蝦的紋理淸晰可見，真材實料絕無取巧。 重有呢味香煎淸遠雞, 將半隻新鮮雞切件, 再將雞件煎至金黃,然後落鑊炸，上碟後灑上椒鹽, 味道芳香鮮鹹, 做到外脆內軟。鷄件本身好滑,相信是有質素的新鮮雞。希望下次同朋友來, 淨食呢兩樣都抵!