霸王山莊

Open Now

Now Closed

今天想吃烤鴨，當然首選主打京川滬菜嘅「霸王山莊」。「霸王山莊」有多款招牌菜色，烤鴨當然是不二之選。餐廳裝潢簡約，以杏啡色為主調，店內地方頗大，設有卡位、方桌和圓檯，環境高雅闊落。餐牌分門別類，由冷盤、雞鴨魚蝦、湯、豬牛羊，以至豆腐、菜蔬、飯麵、點心、甜品及飲品等，一應俱全。頭盤選了雞絲粉皮，雞絲滑嫩、青瓜清爽、粉皮煙韌。配上芝麻醬和花生碎粒，好味！北京烤鴨只係點咗半隻，但份量都唔少。鴨皮酥脆，鴨肉鮮嫩，放上餅皮，再加埋京蔥絲、青瓜同甜麵醬卷住一齊食，好滋味。豬柳扒擔擔麵湯底辣度啱啱好，帶花生和麻醬香。麵條煙韌有嚼勁，豬柳扒炸至金黃色，外層香酥薄脆，配擔擔麵食，口感一流！砂鍋雲吞雞以位上，雞湯濃郁清甜、雲吞餡料足，雞件嫩滑、菜膽吸收晒金華火腿同雞肉嘅精華，食完成身暖笠笠。霸王生煎包大小適中，底部煎至脆卜卜，肉餡鮮味十足。最後以甜品作結，揀咗客上海灘豆沙鍋餅，面頭黐滿了粒粒芝麻，外層酥脆，豆沙餡香甜綿密，味道不俗。