別府駅前料理 (青衣城1) (Closed)

今晚同朋友去青衣城試左別府駅前料理。晚市及外賣大餐牌有85折，我地兩個人order左雜錦刺身飯，韓式部隊鍋及吉列蠔。首先講下雜錦刺身飯，有牡丹蝦一隻，三文魚，吞拿魚，八爪魚，黃金魷魚，甜蛋，帶子等，每款一至兩件，材料豐富，都幾新鮮，飯用左珍珠米，飯質煙韌。而韓式部隊鍋有年榚，午餐肉，冬菇，泡菜，金菇，香腸及娃娃菜，辣度適中，附有嘅烏冬好彈牙，都幾大碗，足夠兩個人食。而另加嘅吉列蠔有三隻，都算大隻，炸到金黃色，配有蛋黃醬，入口香脆。喜歡食日本野嘅朋友可以去試下😉