永倫800餐廳

Open Now

Now Closed

對上一次嚟食已經係半年前， 當時都冇乜人嚟食，次次星期六嚟都差唔多包場。 最近屋企人話嚟食都book唔到位， 於是早一兩個星期book位……成功星期六入座目測發現真係全餐廳滿座，見有啲walk in客都無位！！！ 發現有啲客人手臂有貼紙，應該係旅行團。 想嚟試呢間自助餐就一定要book定位啦！人多咗，食物質素有些下降， 不過仍然屬於抵食之選， 始終一百蚊有咁多選擇，性價比高。 而且佢哋 補充食物， 唔見有食物盤吉空情況。想盡快歸本必食之選 冷盤之中煙三文魚好食 其他輕輕試下ok左下角嗰盤紅酒燴牛尾必試之選 好夠淋、好夠味， 手快有手慢冇其他熱盤不過不失， 炸物有時會出雞翼，有時會出蝦多士，記得要試咖啡奶凍及泡芙好食 其他都一般般 芒果布甸可以試下， 啫喱糖就冇乜啫喱味餐廳環境比較舊但尚算衛生， 而取食物必須戴口罩及手套麵包通常有三款都係好好食 中湯及西湯都唔錯，冇揸流灘茶水吧自己沖， 如果有本事可以沖到好味凍檸茶自己花啲心思拼出美味食物，自我娛樂都唔錯雪糕: 阿波羅&本地雪糕雖然係平價雪糕，但最後食返一杯都好滿足阿波羅應該好食啲。