Video
Read full review
2022-07-20
1674 views
呢晚再次嚟到九龍城覓食，朋友話之前食過「大邊爐火鍋店」唔錯，可以Encore。唔係佢介紹，我都唔知有呢間餐廳，因為地下只得個門口，座位層係要上樓梯的，呢度格局好似酒樓🥢。餐廳定價較高，不過食材確係有質素，而且份量亦適中。店員全程服務有禮，又會主動幫忙加湯👍。我哋嗌咗鴛鴦湯底🍲，冬瓜瑤柱($80)拼自制沙爹($68)，收費為較貴嗰款。湯底價錢算幾抵，雙併一百蚊都唔使。冬瓜湯幾清，入面有好多迷你瑤柱粒。沙嗲湯唔會太鹹，好重花生味。手切安格斯肥牛($368/大)，🥩牛肉雪花紋好靚，而且有一定厚度，食落口感無得輸，牛味濃郁。雖然成碟只得十塊，但質素高，足以讓人滿足。三寶丸($98)，🍡款式包括牛丸、豬肉丸同墨魚丸，每款各有四粒。佢哋全部均係手打，口感彈牙，牛丸好似帶啲陳皮味，幾香、幾特別。西洋菜($38)，🌿本身諗過嗌雜菜，但集中食西洋菜份量更多，放落冬瓜湯嗰邊烚，湯底多咗份西洋菜香，令我哋飲咗好幾碗。稻庭烏冬($32)，🍜烏冬有兩個麵餅，麵條呈扁狀，用嚟索湯一流，而且亦係飽肚之選。飲品方面🥤，我哋嗌咗竹蔗茅根水($18/杯)同酸梅湯($16/杯)，兩杯都清涼解渴，甜味適中。如果多人飲嘅話，就
呢晚再次嚟到九龍城覓食，朋友話之前食過「大邊爐火鍋店」唔錯，可以Encore。唔係佢介紹，我都唔知有呢間餐廳，因為地下只得個門口，座位層係要上樓梯的，呢度格局好似酒樓🥢。
餐廳定價較高，不過食材確係有質素，而且份量亦適中。店員全程服務有禮，又會主動幫忙加湯👍。
我哋嗌咗鴛鴦湯底🍲，冬瓜瑤柱($80)拼自制沙爹($68)，收費為較貴嗰款。湯底價錢算幾抵，雙併一百蚊都唔使。冬瓜湯幾清，入面有好多迷你瑤柱粒。沙嗲湯唔會太鹹，好重花生味。
手切安格斯肥牛
$368
58 views
0 likes
0 comments
三寶丸
$98
29 views
0 likes
0 comments
西洋菜($38)，🌿本身諗過嗌雜菜，但集中食西洋菜份量更多，放落冬瓜湯嗰邊烚，湯底多咗份西洋菜香，令我哋飲咗好幾碗。
稻庭烏冬($32)，🍜烏冬有兩個麵餅，麵條呈扁狀，用嚟索湯一流，而且亦係飽肚之選。
飲品方面🥤，我哋嗌咗竹蔗茅根水($18/杯)同酸梅湯($16/杯)，兩杯都清涼解渴，甜味適中。如果多人飲嘅話，就可以嗌一酌。
沙嗲醬
9 views
1 likes
0 comments
總括嚟講，大邊爐火鍋店各方面都幾好，成個感覺有啲似私房菜。原來火鍋店開業已經接近廿年，難怪席上有唔少係熟客，加上而家開通咗地鐵，嚟九龍城方便好多🚝。
Post
