Mue Mue

Open Now

Now Closed

前排去完歐洲，食西餐食到好漏，所以出街都想食返啲亞洲嘢。星期六日鍾意同家人去食brunch，不過市面上好多選擇都係西餐，又唔想成日都去食酒樓嘅點心，俾我發現咗原來美麗華有呢間靚靚泰國菜。我都成日去九龍城嘅泰菜館，不過有時都會覺得地方坐得唔夠舒服，星期六日同家人想relax啲，呢間泰菜brunch又真係好適合。唔好諗住同九龍城嗰種粗豪相比，呢度係食精緻口味。最鍾意佢個前菜，無論係酸辣魚皮定係紅磚豆腐，做得好細緻，每一樣都好開胃。小食我就最鍾意脆魚王，同埋生蝦唔係泰式嗰啲喎，日式生蝦咁大隻喎！因為啲小食真係任叫嘅，所以主菜預咗會份量細啲，個香茅烤魚細細件，我覺得好清新調味配合得好好。如果想食得濃味香口啲，金沙蝦球就會大份啲，而且鹹香惹味。同埋最後個椰子雪糕真係超級好食，topping係椰子乾同椰絲回味無窮。另外叫咗一杯watermelon mocktail用真西瓜鮮榨，配煎炸嘢一流。Brunch 講緊個價錢係$328一位，小食竟然可以all you can it，鍾意Free-flow都係加多$150啫，性價比好高。仲有呢留意到佢有兩間細細嘅VIP房，都係市面上嘅泰菜館比較少見嘅。