再臨閣 (Closed)

一行十幾人, 亞 Sir 請食飯, 梗要到啦, 幾個老闆請食自助餐, 準時六點半到達, 人唔多, 仲有卡位, 食客大多是遊客, 其他的也很斯文, 最嘈係我地....有點不好意思!環境裝修過, 樓底也高, 幾舒服, 望住遠遠既海景, 傾計一樂也! 冷盤如蟹, 蝦, 螺, 刺身, 壽司, 沙律, 煙三文魚, 自己受唔到咁多冷食物, 但比較深刻的是連鵝肝醬, 我拌了個麵包, 都唔錯, 熱葷有韓式燒骨, 由頭到尾都無咩人掂過, 炒飯, 羊肉麻麻, 咕嚕雞就只有同行既外國朋友先會夾, 蒜蓉西蘭花太腍, 東星斑就少嚡, 但同事個個都話牛扒正, 可惜我唔食得! 即煮喇沙...辣又唔食得, 甜品唔多, 芝士蛋糕, 朱古力蛋糕, 士多啤梨慕司, 芒果布丁一般, 豆腐花, appollo 雪糕都有, 最好食係牛角包布丁, 幾香, 不過, 同樣幾油, 生果就以新鮮菠蘿最甜最好味! 如果大家講求食物, 呢度真係滿足唔到大家既要求, 呢度有啲似 灣仔既 R66, 舒服都係一種享受!