財記海鮮火鍋活魚刺身

Open Now

Now Closed

天氣一涼涼地，火鍋控又要出場，今日來到大角咀呢間財記，果然好生意，好在有book位，假日特別多人鐘意打邊爐。六點鐘入座，未算好多人；七點鐘已經係爆滿。呢度環境企理，透明玻璃見到廚房，仲有師傅即切魚生、牛肉。眼見應該有幾間大房，但都坐左人，我就冇影到喇，人多可以考慮下，皆因佢價錢幾抵，又可以試多幾款我地好快點左野食，幾個人唔算話超肚餓，點左呢D野已經係超飽，性價比高啊！呢度嘅鍋底都分好多款，有一般嘅蕃茄、豬骨、雞煲等，仲有可以飲淡湯嘅胡椒豬肚雞、蟲草花冬瓜雞、菜膽豬肺、什菌魚湯等，仲有比較貴價嘅花甲肉蟹煲、濃湯翅群鍋。湯底價錢合理，由68蚊至188蚊，食得過。醬油 12蚊位、前菜 12蚊碟：我地點左重慶麻辣雞煲，半隻98蚊，一上枱已經聞到好香，加左好多芫茜，店員幫我地炒一炒，調較到最細火，等一陣就可以食得。雞件啖啖肉，都幾入味，鍋底少麻少辣，符合大眾口味，我地連洋蔥都食哂，食到咁上下店員幫我地加番清湯繼續打邊爐。手切肥牛小份178蚊，比較安格斯我地更鐘意手切牛，呢碟牛手切帶點厚度，入口有嚼勁得來完全唔韌，仲幾滑溜無筋，而且牛味濃郁花甲68蚊份，擺盤都幾浮誇，冰底上，D花甲仲識郁，好新鮮。