羲和雅苑

Open Now

Now Closed

今日喺尖沙咀海港城行街，面對維港靚景,梗係要搵一間舒適嘅餐廳，望住靚景食飯，舒適又開胃。嚟到呢間餐廳，面對維港360度全海景，無遮擋，除咗室內座位，外面仲有露天雅座，非常舒適又寫意。今日兩個人嚟食午餐，首先嚟一碟「青梅小排骨」，原來個碟都唔算小，大碟又抵食。排骨非常嫩滑，酸甜味道配合得非常好。接着係小菜「一品賽蟹黃」，鮮嫩記嘅炒蛋白配合非常鮮味嘅蟹膏，製作認真又美味。主菜「老北京貝勒爺烤羊肉」，在呢味菜式嘅盤子非常特色，這就是貝勒爺的風味，烤羊肉鮮嫩又香滑，味道香濃，非常推介。除此之外，我哋仲揀咗兩款靚湯，其中一款係「椰皇花膠燉雞湯」，原個椰皇上，入面充滿新鮮湯料，大大件花膠，非常滋補養顏。另一款湯係「酥皮酸辣湯」，酸辣湯非常香濃，而且用料十足。整體食物製作非常用心，賣相好靚，而且好美味。