Sky726

同朋友嚟咗呢間喺旺角二十幾層高嘅餐廳食午餐。☁️🌆香蒜白酒蜆肉意粉（$168）🍝意粉硬度適中，有輕微嘅辣味，令意粉相當嘢未，另外，成個意粉非常足料，香菌、洋蔥、蜆肉、香草，全部配料都俾得好多，淡淡都食到蜆肉。個人覺得性價比不錯。油封鴨髀（$168）鴨肉好嫩滑，唔會烤得太老或者太燶。配上南瓜汁，令到鴨肉更加香，南瓜汁嘅甜味亦都令到味道更加豐富。火焰朱古力球（$88）一上菜之後，店員就會幫手到想酒精，然後點火，朱古力球就會慢慢溶化，啱晒用嚟打卡。味道方面，朱古力入邊嘅雪糕同蛋糕好夾，再加上酒精嘅少少苦味，可以中和返朱古力、蛋糕、雪糕嘅甜味。呢間餐廳最吸引人嘅就係佢嘅景色，一眼望過去見到九龍嘅城景，令人心曠神怡，好舒服。不過，下晝嘅時候去到坐喺窗邊，打卡會背光，想打卡嘅朋友可能可以考慮夜晚嘅時候先至去。