松藝館 (Closed)

今日又係同老公去拍拖嘅好日子，今次黎松藝館食法國菜。喺海港城裏面兜左幾個圈終於搵到餐廳了，原來要喺L C X行到最遠嘅位置，但換來嘅就係無敵海景！落地玻璃景緻開揚，令人身心舒暢！門口位置亦擺放了不同松露產品。餐牌內有介紹松露的資訊，似乎真係每樣食物都有松露嘅出現。我哋選擇兩道菜的lunch set，2-course$208、3-Course $248 。點菜後，侍應好快已經送上麵包及一小瓶松露果仁，附上帶有松露海鹽嘅淡味牛油以及松露cream cheese可以搽麵包，另外仲有白松露浸嘅油同埋黑松露醋，邊食邊散發着淡淡的松露香味，感覺高貴哦！送上「溫泉蛋/炒蘑菇/松露」，有幾片新鮮刨出來的松露片在面頭，雜菇加上溫泉蛋，滑滑的，味道不錯。另一款前菜是「蟹肉牛油果摩士松露」，用一個玻璃器皿盛載，外貌精緻，有西芹粒混牛油果醬中，味道清新，蟹肉份量不算多，但也鮮嫩，當然也不少得有幾片松露點綴。主菜叫咗一個「寬條麵海鮮松露」（要加$48），有隻好大嘅蝦、蜆同埋兩粒大帶子，全部都好新鮮彈牙，個汁都幾好味。仲一個係「烤澳洲M6和牛西冷牛扒.松露」（加$98），200g