Sky726

位置：📍Sky 726 旺角彌敦道724-726號25樓📍食後感：星期六食完早餐又唔太肚餓，聽聞旺角有間靚景西餐廳，就試吓佢啦。Brunch 有唔少選擇，前菜、沙律、意粉等等。價錢大概100-200左右。味道：前菜：脆魚手指配他他汁（$85）魚手指有六塊，每塊都新鮮熱辣炸出黎，配埋酸酸甜甜他他汁，他他汁有小小酸瓜味😍我好鍾意個醬汁，醬汁都夠多，足夠點曬每塊魚手指，魚肉軟滑有魚味。沙律：凱撒沙律配香草雞胸（$138）沙律份量都唔小，雞扒咬落有小小paprika 調味，重有小小彈牙。鍾意食雞扒既朋友仔可以黎試下。沙律菜好新鮮，重有小小bacon 碎同Parmesan cheese 碎，增添左唔小口感。醬料唔太重，食多兩啖都唔覺肥呀。