Zeng

Open Now

Now Closed

今日同同事食生日飯，由我負責揀餐廳，見到呢間個景好開揚，一於揀呢間同佢慶祝生日。午餐得午市套餐，我地都係揀3 course lunch set，加錢要餐飲同芝士餅及雪芭。同事前菜要巴馬火腿沙律同紅蝦天婦羅，主菜要日式鰻魚飯。同事話都唔錯，白飯用珍珠米，鰻魚無骨，幾好食。我既前菜就要麵豉湯同和牛他他，主菜要紅酒燴牛肉配芥末籽薯蓉。和牛他他有隻生雞蛋俾你撈埋食，食落冇腥味。紅酒燴牛肉用左厚身既牛腱，幾淋易入口。生日梗係要食件蛋糕啦，係日式芝士蛋糕，配lime and lemon味既雪芭。最後送上熱咖啡同凍檸茶，劃上完滿句號。