Video
4-min walk from Exit A, Causeway Bay MTR Station
continue reading
Telephone
23530053
Opening Hours
Mon - Thu
20:00 - 04:00
Fri - Sat
20:00 - 05:00
Sun
20:00 - 04:00
Above information is for reference only. Please check details with the restaurant.
有時同朋友食完飯，都會嚟zeng飲返杯貪佢有維港景，可以慢慢chill👋🏻🤣今次店內推出五週年任飲任食套餐，每人只需 $499/pp；套餐有12款食物比你揀，💁🏻♀️💁🏻♂️有幾樣覺得唔錯：.［+$100 任食生蠔］生蠔🦪為小號size，但幾鮮味😌.🝮是日餐湯-粟米湯.🝮花雕漬鮑魚刺身鮑魚刺身爽口彈牙，淡淡酒香味🍶後勁，味道清.🝮煙燻日式咖喱羊肉日式咖喱羊肉，調味不太辣，羊肉一絲絲，肉質軟腍，配烤餅食.🝮芥末柚子胡椒烤乳豬乳豬🐽外皮烤得香脆，肉質爽口一種，用芥末同柚子胡椒調味，幾特別🤗.🝮封門柳配芭拉巴黑椒汁封門牛柳熟度、調味剛好，肉質不錯👍🏻.🝮麵豉青檸蜜糖煎鱈魚鱈魚🐟外皮煎得香脆而肉質鮮嫩.🝮七味麵豉醬燒雞🐣燒雞肉質嫩滑，調味剛好.🝮香辣花膠炒意粉意粉🍝有咬口，辣辣地幾惹味😜.💁🏻♀️💁🏻♂️整體而言，呢度嘅食物質素中規中矩～
continue reading
當晚訂咗位7:30入座，揀左12道菜Free flow dinner每位 $498咖哩羊肉乳豬燒雞封門柳炒意粉乳鴿意大利飯鴨胸海鮮拼盤煎鱈魚大廚精選特式蔬菜點菜時職員話當晚無乳鴿供應，即係得11道菜，都無所謂，但我地最後只係食咗7道菜，每道菜每人配給一細嚿，一個airpods盒都大過嚿食物，而且乳豬上了一次就話無晒，除咗份量小得可憐，等上菜嘅時間係超！級！離！譜！每道菜最小要等15分鐘，由7:30開始到8:30只上過5道菜，仲要限時9:30離座，而8:30後更加完全無上過菜，我地由唔肚餓食到肚餓，餐廳入面全部客人都等食物，等到9:15終於等到一碟炒意粉，份量係每人分到一啖，唔知以為食緊法國fine dining，差唔多2個鐘完全無食過嘢嘅感覺，難為同行嘅老人家滿心期待嚟慶祝生日，同職員反映佢地解釋廚房負荷唔到超出佢哋預計客人數目，並會延長用餐時間，盡快上菜，再得多半個鐘先上了一碟意大利飯，後來陸續上了4道菜，但份量仲唔夠每人一嚿，喎陣已經超過10:15，餐廳亦開始熄燈並需要埋單，由7:30至10:30，聲稱free flow每位$498，我食過嘅嘢有2件雞，1件鱈魚，1件羊肉，1件乳豬，1件封門柳，1啖意粉，1啖意大利飯menu上嘅鴨胸，海鮮拼盤，大廚精選，甚至特式蔬菜都無出現過，呢種體驗確實前所未有，如果大家想減肥又要出席飯局，呢間餐廳係首選，可以食3個鐘而食完都仲會肚餓嘅free flow dinner
continue reading
【灣仔區】【Zeng】有一晚同兩位美女食飯，咁難得我可以喺一晚之內同兩位美女食飯咁幸運，就當然希望盡力將個時間延長啦。我哋食飯嘅位置係喺灣仔同銅鑼灣之間，因此其實就算走，都冇得即刻搭地鐵。又咁講，本身我又未去到特登安排到咁有機心，真係咁啱嘅啫。咁食完飯，理論上係可以食個糖水嘅，但係當刻誠然我哋三個都已經飽飽滯滯，咁就不如搵個地方飲杯嘢。然而，我哋都唔係太中意嗰啲嘈雜喧鬧嘅酒吧，所以搵啲可以靜靜地傾吓偈嘅就好。本身搵咗另一間但係爆場，點知之後搵到呢間，好似都唔錯喎。我哋飲咗 $128 嘅「Rosemary Orchard」、$128 嘅「Jap Jap」同埋 $135 嘅「Security」，三杯都係 cocktail，但係佢哋其實仲有 s****a 可以食。不過佢哋最大嘅賣點真係風景，飽覽維港景色，盡情享受世界第一夜景，夾埋呢 $430 又唔算貴嘅，啲酒平庸啲咁。。。（地址：銅鑼灣登龍街18號V Point 30樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #Zeng #RosemaryOrchard #JapJap #Security #1am1537 #1ambackup
continue reading
最近受黑白大廚熱潮影響～～迷上fine dining 黎左銅鑼灣zeng 試下5周年新推出menu 除前菜外，menu上12道菜式全部都可以free flow，仲要係平時$2xx 單點菜式，真心超值！高空望住超靚維港海景食fine dining，$498/pp 慶生約會都超有feel5 Years Anniversary Free Flow Fine Dining🔸Zeng‘s 招牌前菜拼盤鮑魚、創作壽司、法國生蠔酒醉鮑魚夠fresh~~法國生蠔size唔算大隻，唔會太濃海水味，食到非常鮮味！🔸大厨特式精選：是日精選南瓜湯香甜順滑🔸煙燻日式咖哩羊肉伴無花果選用日式咖哩唔會好辣，羊肉炆煮軟稔配對餅食好夾🔸七味麵豉醬燒雞燒雞脆皮，調味入味雞肉唔柴🔸沖繩黑糖燒乳鴿伴檸檬香草花椒油燒乳鴿非常出色，外皮甜甜香脆，肉質一咬爆汁🔸芥末柚子胡椒烤乳豬外脆內軟Q, 調味清新唔油膩～🔸封門柳配馬拉巴黑胡椒汁封門柳牛味濃厚，肉質軟嫩脂肪唔多！必食🔸海蝦意大利飯意大利飯相信偏軟稔🔸香辣花膠元貝炒意粉選用中式花椒油麻辣做法配意粉幾新穎，熟度剛剛好🔸鴨胸伴櫻桃蘇梅醬本身唔太好鴨胸，但呢道好好食！嫩滑juicy，酸甜口味解膩超搭🔸招牌海鮮拼盤有海蝦、青口、螺、蜆肉像Cajun 調味有d 似shake shake 海鮮食到味道🔸麵豉青檸蜜糖煎鱈魚鱈魚本身質地出色，鮮甜緊緻特式時令蔬菜炒雜菇菌另外點兩杯cocktail Mocktail 內外兼備universe (Mocktail)成人飲用外貌，益力多酸甜順口味道
continue reading
搵呢間餐廳諗住慶祝媽咪生日，老人家好難得會過海食飯。諗住俾一啲同以往唔同嘅體驗佢哋…結果換來永世難忘不愉快嘅回憶。見到社交媒體網站啲相介紹同OpenRice食評都好似唔錯…原來全部都是假象😡。唯一真實的係望到維港景色好靚。餐廳推銷12道菜兩小時Fine Dinning Free Flow $498+ per person! 1. 煙燻日式咖哩羊肉伴無花果2.芥末柚子胡椒烤乳豬3.七味麵豉醬燒雞4.封門柳配馬拉巴黑胡椒汁5.香辣花膠元貝炒意粉6.沖繩黑糖燒乳鴿伴檸檬香草花椒油7.海蝦意大利飯8.招牌海鮮拼盤9.鴨胸伴櫻桃蘇梅醬10.麵豉青檸蜜糖煎鱈魚11.大廚特式精選12.特式時令蔬菜大家估吓呢個價錢我食咗幾多樣嘢？⋯首先去到就話乳鴿冇貨。一開始落單落十一樣野。首先嚟咗乳豬。跟住即刻再落單就話賣晒…（注意‼️只係啱啱開始食就話冇晒），跟住陸續嚟就係牛柳、燒雞…我哋有五個人每人只係分得一件。跟住半個鐘頭後都冇出過任何食品！同侍應反映第一次，結果就嚟咗碟魚！當然都係每人分得一件。又等多半個鐘頭，就嚟咗一人份量嘅意粉….又等多半個鐘頭，侍應就走埋嚟話last order。所以你話最初兩個鐘頭我食咗幾多樣嘢？係一件牛柳、一件乳豬、一件燒雞、一件魚同埋一啖意粉…..$498加一！ 你會唔會嬲？第二次再同侍應反映…先至嚟多碟牛柳再加多碟魚（都係每人分得一件）再黎係上多碟都係一人量嘅意粉….同埋終於有碟飯..都係每人分得一啖！**12道菜，我只係食咗7樣野…多_謝晒上菜龜速🐢🐢🐢仲要呢個餐係唔包飲品㗎！結果我父母越等越肚餓…越等越眼瞓。最後唯有俾咗$2900 埋單！好谷氣！7:30pm-23:00…搞咗咁耐食咗嘅野真係數得出！其實眼見全場有二十位受害者都係叫呢個餐。 個個都係你眼望我眼。致老板！你呢啲經營手法絕對有問題～ 好心你廚房唔夠人手就唔好推出呢啲餐啦！你知唔知咩叫free flow? 我係你嘅員工就覺得好慘。你收錢梗開心啦！比客鬧嘅係佢唔係你。 好心你有返啲良心啦！香港有你呢啲咁嘅餐廳就悲哀！
continue reading