Video
Read full review
2022-07-22
565 views
最近天氣熱辣辣無咩胃口, 想食d涼浸浸野但又想食清d又唔想食到咁飽, um...一於就就去食omakase, 任性的人就是任性, 轉個頭就book左間嚟食, 今次揀左位於尖沙咀嘅高層商廈, 上到去景觀開揚, 可以睇到維港嘅夜色(好彩嘅話仲有得睇幻彩詠香江🤣), 邊嘆美食, 邊望住夜景邊望住師傅烹調, 真係任性幾多次都抵!🌟先付牡丹蝦慕絲配高湯果, 三文魚魚子同紫蘇花, 食落慕絲蝦味濃而且口感軟滑, 加埋少許紫蘇花, 味道幾清新🌟刺身📍日本石班配上紫蘇花／蔥／酸汁, 食落味道清新鮮味📍網燒鰤魚師傅預先將網燒紅再將魚嘅外層印一印, 唔會直接擺上去燒因為如果燒到肉身就會鞋口, 配上柚子胡椒, 食落有油香, 肉質細嫩📍新鮮水八爪水八爪先食肉身後食吸盤, 肉身爽彈有嚼勁, 吸盤爽脆口感有少少似雞軟骨咁📍象拔象拔味道鮮甜爽口, 配搭清新嘅青檸同鹽, 好似置身係個海到咁📍小池魚小池魚肉質緊實爽口帶微微油香, 魚味濃郁, 配搭牙蔥／薑／芝麻, 食落帶點惹味📍岩手県赤崎生蠔生蠔海水味重, 質感好creamy配搭紫洋蔥醬, 酸酸地幾開胃 📍野生Toro 比普通toro更有口感, 肉質油潤軟滑, 魚味濃郁鮮
🌟先付
牡丹蝦慕絲配高湯果, 三文魚魚子同紫蘇花, 食落慕絲蝦味濃而且口感軟滑, 加埋少許紫蘇花, 味道幾清新
🌟刺身
📍日本石班
配上紫蘇花／蔥／酸汁, 食落味道清新鮮味
📍網燒鰤魚
師傅預先將網燒紅再將魚嘅外層印一印, 唔會直接擺上去燒因為如果燒到肉身就會鞋口, 配上柚子胡椒, 食落有油香, 肉質細嫩
📍新鮮水八爪
水八爪先食肉身後食吸盤, 肉身爽彈有嚼勁, 吸盤爽脆口感有少少似雞軟骨咁
📍象拔
象拔味道鮮甜爽口, 配搭清新嘅青檸同鹽, 好似置身係個海到咁
📍小池魚
小池魚肉質緊實爽口帶微微油香, 魚味濃郁, 配搭牙蔥／薑／芝麻, 食落帶點惹味
📍岩手県赤崎生蠔
生蠔海水味重, 質感好creamy配搭紫洋蔥醬, 酸酸地幾開胃
📍野生Toro
比普通toro更有口感, 肉質油潤軟滑, 魚味濃郁鮮甜
🌟慢煮鮟康魚干
食落口感軟綿creamy, 必需要大大啖品嚐先食到最極致嘅味道, 配搭甜甜地嘅醬汁, 相當有驚喜!
🌟舵魚天婦羅
舵魚包左紫蘇葉去炸, 食落好熱好脆, 魚肉厚實帶紫蘇香, 旁邊有舞茸菇, 而醬汁用左雞泡魚白子打出嚟醬汁, 食落相當特別, 好有心機嘅一道料理
🌟壽司
📍深海池魚
魚肉質感結實, 魚味濃厚
📍地金目鯛
地金目鯛配搭梅醬除左令食慾大增, 仲令鮮甜味更突出
📍太刀魚
太刀魚微微火灸過, 帶微微油香, 配搭少量竹炭鹽令味道提昇
📍梭子魚
梭子魚油份充足經微微火灸過後口感棉滑鮮味
📍赤睦魚
赤睦魚油香澎湃, 肉質軟綿
📍小白蝦
壽司上放滿小白蝦, 上面擺左昆布粒再撒上淡雪鹽, 白蝦口感爽彈, 蝦味鮮甜濃郁
📍野生Toro
配搭Wasabi漬, 比平時食到嘅Wasabi味道更濃但無咁辣, 味道不錯
📍海膽
採用鹽水海膽更能帶出海膽原本嘅鮮甜,食落味道濃郁, 口感豐腴
🌟宮城縣群翅清湯
平時食omakase多數都係飲味噌湯, E到竟然係飲翅湯! 群翅不散不爛, 一條條翅針整齊排列, 食落肉質爽脆有咬口, 簡單配搭清湯鮮味可口
🌟甜品
估唔到甜品除左有超爽甜日本赤肉蜜瓜仲有抹茶牛奶布丁, E個布丁有驚喜, 平時食嘅牛奶布丁都有少許偏甜, E個布丁口感軟滑奶味濃, 頂層用左抹茶嚟代替抹茶醬, 所以食落無咁甜之餘仲帶一份茶香, 紅豆香甜飽滿, 為E餐晚飯畫上完美嘅句號
Post
