憶食尚臘味煲仔飯 (Closed)

尖沙咀亞士厘道係近海港城嘅美食集中地，價格比海港城相宜，又有各國美食，之前起附近返工，成個月日日食唔同餐廳。今日同舊同事約食飯，佢話有新推介－食煲仔飯。佢個人出名有潔癖，我聽到佢話食煲仔飯都打咗個突，印象上依D店都係茶餐廳木圓枱，有D鼓油起檯面咁我直頭行過咗佢門口，因為門面好似賣禮盒食品嘅店入到去燈飾佈置幾靚，其中一邊牆畫上代表佢地農場嘅畫作，餐枱上面鋪有綠色枱布，好舒適嘅感覺佢有套餐，亦有單點，店員介紹套餐可以品嚐多D種類，份量比單點更適合兩個人享用。檸檬薏米水適合而家夏天悶熱潮濕嘅天氣飲用，微甜川味臘腸炒滑蛋雞蛋炒得滑而唔油，川味臘腸微辣，有一D酒香，肥瘦相間芥菜排骨煲：食完濃味嘅臘味炒蛋，最啱飲個清湯，芥菜同排骨份量都幾多，幾清香清蒸鮮醃海鯧魚之前未食過依種鮮醃魚，原來要起捕獲後就處理及進行醃漬，先可以保持佢新鮮彈牙口感味道。有少少似日式一夜乾，好味廣式臘味煲仔飯，飯面鋪滿左各種臘味，臘腸臘肉同埋板鴨，肥瘦相間但係食落又唔覺得油膩，係用山區散養嘅土豬，南安板鴨，板鴨味濃唔乾硬。其實好飽，但係當佢個「御发饍粥」上菜時又會好想食，棉密嘅黑米黑芝麻，以健康雜糧作结束