天天海南雞飯 (ELEMENTS圓方)

Open Now

Now Closed

一入到呢間舖頭，覺得裝修好別緻，坐椅好舒適，窗邊仲有陽光滲入嚟，感覺好舒服。一坐低就會先來一壺熱茶，茶好香濃。呢度最出名係文昌海南雞，無論雞胸定係雞髀肉都好滑，調味醬汁好入味，味道適中，仲可以再配上醬汁，一款酸酸地，另一款辣辣地，更加出味。沙嗲串燒有三個口味，每款有兩條，兩個人食啱啱好，可以試晒三款，串燒好有特色，夥計即時喺你張枱度，用火槍燒，令到肉汁出晒嚟，更加香口。沙嗲醬有花生粒，真材實料，又唔會太鹹、或者太辣。味道調配得剛剛好。豆腐湯海鮮雜菜煲，豆奶湯底好香濃，新鮮嘅蔬菜，配合豆奶湯嘅鮮味，感覺健康又美味。炸蠔仔餅，脆卜卜、大大碟、好足料，味道清清淡淡的，如需要重口味，可以點汁食，好正，非常推介。