老鍋台式火鍋 (Closed)

之前過嚟老鍋食台式火鍋多數都係叫麻辣鴨血鍋，今次就決定試吓佢哋嘅膠原蛋白美人鍋，補一補🥰 窩底有原隻竹絲烏雞、好甜嘅桂圓龍眼、仲有有「平民燕窩」之稱嘅桃膠等等，非常足料！！我哋每人起碼飲咗兩碗先開始打邊爐😂食台式料理梗係要叫番個炸臭豆腐做前菜，都真係幾夠臭😂😂飲品我哋就試咗個杞子杭菊露，自家製味道都唔錯，好香菊花味又唔會太甜到主食啦，肉類方面有每日手切本地肥牛同埋豚肉片。牛肉油脂均勻，有咬口之餘唔會韌，牛味亦都幾重👍🏻👍🏻 配菜方面有冬瓜、新竹米粉同埋魚皮餃。最後打邊爐唔少得嘅即炸響鈴，非常鬆化香脆😋總括嚟講，無論環境食材都做到十分水準，果然正宗台式風味！