喫茶ちょうぼ

Open Now

Now Closed

銅鑼灣世貿中心呢間日式餐廳裝修環境超靚😍打卡一流👍👍👍星期四晚餐廳唔算多人，同朋友食飯傾計好舒服，環境好好！佢有好多秋季限定食物，今期好多蟹既菜式。有兩碟小前菜，味道都唔錯。紫薯牛乳抹茶麻糬沙冰兩杯都覺得麻麻🥺🥺紫薯牛乳非常淡，完全冇紫薯味、連少少奶味都冇，唔知飲緊咩🥲抹茶麻糬沙冰上面有粒細細嘅麻糬，抹茶同沙冰好似唔係好夾，味道都係偏淡。蟹黃膏蛋包飯$172，未切開時賣相幾靚，但唔記得影🤣蛋香滑、入面係炒飯，個蟹黃味道都係好淡，正正常常，但唔覺得好好食🫣🫣炸軟殼蟹扁意粉$98，軟殼蟹超大隻，熱辣辣脆卜卜，不錯👍仲有兩粒帶子，意粉就係普普通通嘅卡邦尼意粉。桂花烏龍布甸戚風蛋糕成合$115賣相打卡一流，超有秋天嘅感覺😍😍個布甸幾好食，戚風蛋糕就正正常常普通。整體嚟講餐廳環境很好，下次可以試下其他款式既蛋包飯可能會更好。