Cube O - Journey with Seajellies

Open Now

Now Closed

阿女一直都推薦我嚟呢一間餐廳同老公撐枱腳，入到去已經被四面八方嘅水母間缸所吸引，亦都被安排坐咗喺其中一個嘅旁邊，瀰漫着浪漫嘅氣氛。除咗氣氛滿分之外，餐廳食物質素亦都相當唔錯，今晚食咗：芝士蕃茄田園沙律🥗居然仲放上咗食用花，清新嘅味道清一清喉嚨，預備為精彩嘅食物揭幕。接住有蟹肉龍蝦湯，味道濃郁鹹鹹香香咁樣，食到真材實料嘅蟹肉！再配上咗一片麵包，點住龍蝦湯去食更加吸引。套餐有三款主菜可以選擇，我就揀咗軟殼蟹意大利飯。軟殼蟹酥炸得唔會太過油膩，依然咬到一啖淡嘅蟹肉，意大利飯煮得好濃味，米粒亦唔會太硬。套餐亦都包含咗一款甜品，仔細可以睇到甜品嘅層次有幾咁清晰，食落去有濃郁嘅咖啡口味，中間嘅慕絲相當輕盈，旁邊仲有幾粒水果襯托添～單點左一份燒安格斯肉眼，叫咗七成熟，火候啱啱好，肉眼嘅油脂感相對地重，所以餐廳配上嘅芝士同薯仔正好可以中和一下。