Video
Read full review
2020-01-17
601 views
Le Reve #銅鑼灣 應該係我生存咗21年嚟食過最貴嘅一餐🙈🙈亦係第一次食呢啲咁精緻嘅法國菜🇫🇷！呢間其實係法國🇫🇷日式🇯🇵 fushion餐廳，成間餐廳只有三種Menu: 4 shades of flavour (四道菜)，6 shades of flavour (六道菜) ，signature menu (八道菜)。當中六道同八道菜仲有surprise dish🤩好似omasake咁由廚師👨🏻🍳發板！每一台仲有一個侍應🤵🏻專責serve你，留意你嘅需要，仲會向您介紹每一道菜嘅食材及烹調方式，服務態度一流🥇🏆！6 shades of flavour $890無論邊一種Menu都會先上麵包🍞同埋開胃菜🥗 (amuse bouche)。麵包分別有牛角包🥐同軟法包🥖，新鮮焗製，仲要無限添食！配上佢哋自家製嘅牛油🧈，非常好味，我哋起碼添咗三四次！開胃菜係紅菜頭湯🍲，用咗透明蛋裝住，非常精細，酸酸甜甜，帶啲莓味，真係開胃得來又好味。跟住落嚟每一道菜都非常精緻🍽，全部都好似藝術品咁，連每一個配菜每一滴汁都係精心挑選設計過👨🏻🍳。Surprise dish - oyster🦪生蠔大隻好cr
應該係我生存咗21年嚟食過最貴嘅一餐🙈🙈亦係第一次食呢啲咁精緻嘅法國菜🇫🇷！呢間其實係法國🇫🇷日式🇯🇵 fushion餐廳，成間餐廳只有三種Menu: 4 shades of flavour (四道菜)，6 shades of flavour (六道菜) ，signature menu (八道菜)。當中六道同八道菜仲有surprise dish🤩好似omasake咁由廚師👨🏻🍳發板！
每一台仲有一個侍應🤵🏻專責serve你，留意你嘅需要，仲會向您介紹每一道菜嘅食材及烹調方式，服務態度一流🥇🏆！
6 shades of flavour $890
無論邊一種Menu都會先上麵包🍞同埋開胃菜🥗 (amuse bouche)。麵包分別有牛角包🥐同軟法包🥖，新鮮焗製，仲要無限添食！配上佢哋自家製嘅牛油🧈，非常好味，我哋起碼添咗三四次！開胃菜係紅菜頭湯🍲，用咗透明蛋裝住，非常精細，酸酸甜甜，帶啲莓味，真係開胃得來又好味。
跟住落嚟每一道菜都非常精緻🍽，全部都好似藝術品咁，連每一個配菜每一滴汁都係精心挑選設計過👨🏻🍳。
Surprise dish - oyster🦪
生蠔大隻好creamy，配上酸酸地嘅蘋果醋、魚籽等。就連嗰幾點綠色同埋橙色都係精心設計嘅醬汁，綠色有少少青草味，而橙色就辣辣地好似胡蘿蔔咁。
Geoduck Sashimi🍣
呢度海蜇刺身真係靚到冇得彈😍設計到成個魚缸咁！海蜇刺身配上青瓜、蜜糖檸檬汁等酸酸甜甜，而🦀就係用上韓國醬油蟹嘅腌製方，再炸，非常脆口，仲有作為豉油嘅作用，配埋海蜇刺身一齊食。另外就連啲海帶都食得！成道菜真係又睇得又食得！
Surprise dish - eel🐟
餐廳特別講到明用上台灣鰻魚而非日本鰻魚，因為而家嘅台灣鰻魚非常當造！鰻魚肉質較為紮實，冇咁肥膩，微微烤香，做法味道有啲似叉燒。另外侍應總會即時淋上玫瑰酒，令到成個鰻魚再多一陣香氣。
Lobster🦞
面頭先放上咗三塊唔同嘅炸物，分別為炸蓮藕炸啤梨以及炸羽衣甘藍，就好似係揭開龍蝦嘅序幕咁。龍蝦亦都用咗特別嘅方式烹調，保留龍蝦嘅鮮甜爽口，質感有少少微生，好神奇！再配埋第一下嘅蕃茄龍蝦醬同埋芒果一齊食，令到龍蝦嘅香氣更加突出，而芒果嘅口感亦都同龍蝦嘅口感好夾！
Japanese Cod Fish🐟
用上日本鱈魚，油分較高，所以廚師巧妙地用咗酸酸甜甜嘅奇異果、pickles青蘋果、蕃茄、檸檬醬嚟減輕鱈魚嘅油膩感。鱈魚亦都非常滑溜，一啲骨都冇。
另外外圍嘅白色粉末其實係橄欖油！用分子料理將橄欖油整成粉末，除咗增添美感之餘仲可以同鱈魚一齊食，保留橄欖油嘅香氣但係又冇油膩嘅感覺。
Sesame stone🍰
呢個甜品真係好味到不得了！完全係一個完美嘅總結！外表好似一個大石，但其實係黑芝麻慕絲，包住合桃雪糕，同埋海綿蛋糕，味道互相配合，好似黑芝麻糊溝合桃糊。外圍有竹炭crumble、朱古力條同埋開心果air bag，略帶脆口，令到成個甜品再昇華一個層次。
Mignardises & coffee☕️ or tea🍵 (pistachio puff, blueberry cheesecake)
最後仲有杯嘢飲，配上開心果泡芙同埋藍莓芝士蛋糕。就連茶都有多個選擇，當日分別有peppermint, jasmine, earl grey。
4 shades of flavour $650
同樣地就算係得四道菜都包括麵包🍞同埋開胃菜🥗 (amuse bouche)。麵包分別有牛角包🥐同軟法包🥖，新鮮焗製，仲要無限添食！配上佢哋自家製嘅牛油🧈，非常好味，我哋起碼添咗三四次！開胃菜係紅菜頭湯🍲，用咗透明蛋裝住，非常精細，酸酸甜甜，帶啲莓味，真係開胃得來又好味。
跟住落嚟每一道菜都非常精緻，全部都好似藝術品咁，每一個配菜每一滴汁都係精心挑選設計過。
Geoduck Sashimi🍣
呢一道同六道菜一樣。海蜇刺身真係靚到冇得彈😍設計到成個魚缸咁！海蜇刺身配上青瓜、蜜糖檸檬汁等酸酸甜甜，而🦀就係用上韓國醬油蟹嘅腌製方，再炸，非常脆口，仲有作為豉油嘅作用，配埋海蜇刺身一齊食。另外就連啲海帶都食得！成道菜真係又睇得又食得！
Toro🐟
唔好以為四道菜嘅食物質素就會差啲啊，有拖羅呀，真係有入口即溶嘅感覺！仲配埋金魚子醬、柚子啫喱，味道清新。想點個一刻仲有啲nitrogen，真心好靚！
Kagoshima (+258)🥩
當日加咗二百幾蚊要呢一個來自鹿兒島嘅A4和牛，油脂分布較A5級少啲，但就勝在冇咁油膩，但依然入口即溶，而且牛味香濃！廚師火候掌握得非常好，外層煎到微脆帶香，而內裏則非常粉嫩，係一個完美嘅medium rare！
Shiso Mixed Berries Mousse 🍰
痴線係富士山呀！我超鍾意呢一個甜品，佢嘅莓味唔會太酸，恰到好處，配埋海棉蛋糕同埋消化餅一齊食，口感豐富。外面圍住嘅係梅酒啫喱，海浪就係啲雲呢拿味嘅忌廉，所有嘢加埋一齊食真係好正，一啲都唔膩，就連平時唔鍾意食甜品嘅朋友都覺得好好食！
Mignardises & coffee☕️ or tea🍵 (pistachio puff, blueberry cheesecake)
最後同六道菜一樣都係有杯嘢飲，配上開心果泡芙同埋藍莓芝士蛋糕。就連茶都有多個選擇，當日分別有peppermint, jasmine, earl grey。
整體來講真係一個高級嘅享受，無論係食物質素定係服務態度都一流，間中食一次獎勵下自己真係冇得頂！
味道: 4.5/5
性價比: 4/5
Post
