Chill Pill

Open Now

Now Closed

行過太子呢間日系風格café見幾吸引，價錢又唔貴就入去試吓。見到佢晚市有個2人餐都係$528，包左兩碗是日餐湯同兩杯飲品。今日餐湯係南瓜湯，入口甜甜的，冬天飲好暖胃。小食揀左柚子蜜糖雞翼，有六件，因為用左柚子蜜糖醬，所以食完一啲都唔會覺得熱氣。Crabs揀左蕃茄香草肉丸粗管通粉肉丸估唔到好有彈性，粗管通粉係煙韌有口感，加埋酸酸甜甜嘅番茄醬，估唔到好有驚喜。👍👍Main揀左香煎美國Prime頂級牛小排，牛小排好嫩滑，剛剛好煎到五成熟，而配菜就有煎薯仔、紅椒及蘆筍。甜品揀左芋治抹茶牛角窩夫，牛角窩夫有兩件，仲有一球抹茶雪糕同一粒紅豆糯米糍，窩夫熱辣辣又煙韌，加埋雪糕食好夾，另外估唔到粒紅豆糯米糍都好食，唔會太甜。飲品揀左白桃芒果冰茶，幾清新，最重要係少少甜，唔錯。總括嚟講呢個餐$528 有咁多樣嘢食，食物擺盤好靚用左食用花，性價比幾高；而且餐廳空間感同設計又舒服，真係好適合同朋友黎chill下。