Video
Read full review
2023-02-16
80 views
之前去過將軍澳《花楽》已經諗住睇吓幾時有機會要再去，點知依家喺尖沙咀開咗新分店，梗係要去試試啦😋餐廳嘅晚市係以清酒做主題，仲有大量嘅唎酒師駐場，啱晒鍾意飲酒嘅朋友🍶╰☆鮮蟹肉蟹籽沙律 $78爽口多汁嘅青瓜絲配上鮮蟹肉同蟹籽，清新開胃╰☆辛口吞拿魚他他佐脆片 $128切粒吞拿魚粉嫩肥厚嘅肉質，口感充滿油脂甘香，帶點微辣，配上脆脆嘅甜薯片食有另一番風味╰☆壽司八貫盛盒 $298壽司款式多選擇，有選擇困難症嘅唔緊要，店舖有多款唔同盛盒揀，我就揀咗呢款，當中有8款唔同嘅壽司🍣有中拖羅、油甘魚、深海池魚、回本直送飛機魚、三文魚、赤貝、日本牡丹蝦、豆紙穴子壽司同迷你蟹飯，豆紙穴子壽司，口感軟嫩，日本牡丹蝦大隻，蝦肉甜美細滑，朋友就最鍾意入口即溶而且魚味相當濃郁嘅中拖羅╰☆花樂六味真蠔 $268賣相相當吸引😌有六款唔同嘅味道，柚子伴日本蠔、三杯酢啫喱蠔、芝士焗蠔、蒜蓉焗蠔、天婦羅蠔同岩鹽海膽蠔，其中有兩款係生蠔🦪海水味濃郁，新鮮爽口，每隻款都各有特色，而焗蠔加咗蒜蓉/芝士，香噴噴，濃郁又滋味，呢個set真係高CP值😍╰☆菠蘿雪芭 $68原隻菠蘿🍍上，裡面有新鮮嘅菠蘿肉整成嘅雪芭，入口唔會太甜太酸，好
仲有大量嘅唎酒師駐場，啱晒鍾意飲酒嘅朋友🍶
╰☆鮮蟹肉蟹籽沙律 $78
爽口多汁嘅青瓜絲配上鮮蟹肉同蟹籽，清新開胃
╰☆辛口吞拿魚他他佐脆片 $128
切粒吞拿魚粉嫩肥厚嘅肉質，口感充滿油脂甘香，帶點微辣，配上脆脆嘅甜薯片食有另一番風味
╰☆壽司八貫盛盒 $298
壽司款式多選擇，有選擇困難症嘅唔緊要，店舖有多款唔同盛盒揀，我就揀咗呢款，當中有8款唔同嘅壽司🍣有中拖羅、油甘魚、深海池魚、回本直送飛機魚、三文魚、赤貝、日本牡丹蝦、豆紙穴子壽司同迷你蟹飯，豆紙穴子壽司，口感軟嫩，日本牡丹蝦大隻，蝦肉甜美細滑，朋友就最鍾意入口即溶而且魚味相當濃郁嘅中拖羅
╰☆花樂六味真蠔 $268
賣相相當吸引😌有六款唔同嘅味道，柚子伴日本蠔、三杯酢啫喱蠔、芝士焗蠔、蒜蓉焗蠔、天婦羅蠔同岩鹽海膽蠔，其中有兩款係生蠔🦪
海水味濃郁，新鮮爽口，每隻款都各有特色，
而焗蠔加咗蒜蓉/芝士，香噴噴，濃郁又滋味，呢個set真係高CP值😍
╰☆菠蘿雪芭 $68
原隻菠蘿🍍上，裡面有新鮮嘅菠蘿肉整成嘅雪芭，入口唔會太甜太酸，好清爽
🍶Sake -Oh Splash
帶有檸檬嘅香氣，微微氣泡感，醇厚嘅甜味好易入口，好fresh✨
Post
