如意冰室私房菜 (Closed)

今日喺灣仔放工， 晚飯時間經過一間冰室， 睇真啲原來係食私房中式小菜， 仲有舊式茶餐廳feel ，裝修別緻玩味，就入咗去試~有精選晚餐， 仲有多款蒸海上鮮，懷舊小菜。每款晚市小菜都附送老火例湯。蓮藕煲排骨， 夠火喉， 不過略嫌鹹咗啲。蝦醬通菜炒牛肉$78相當夠鑊氣， 蝦醬炒得香噴噴， 絕對提升咗牛肉嘅鮮味。 牛肉的份量亦唔少， 送飯一流。古法蒸方利$128街市都比較少見到方利， 而且價錢較貴。 只係認識佢嘅親戚撻沙。 用古法蒸 多了一些料頭 和打茨， 味道比較豐富。 魚肉質地細嫩鮮甜， 好似話無論點樣蒸都唔會老。 但佢嘅size唔算大，所以較薄肉。豉油王煎中蝦 $128豉油香氣撲鼻， 蝦殼煎得脆脆的沾滿惹味嘅豉油香， 蝦肉結實~ 薑蔥焗桶蠔$168夠鑊氣， 桶蠔大大隻， 炸漿不厚不薄， 唔會吃到 麵粉層， 蠔肉夠嫩滑，芡汁超惹味， 充滿蒜香， 極重口味。店舖賣點係傳統中式小菜，小炒， 老火靚湯。 酒樓以外嘅便捷選擇。