圓老爺雞煲小廚 (Closed)

大熱天時，其實真係唔係好想打邊爐，不過老友話呢間唔止普通雞煲咁簡單，一於就試下佢。一坐底睇餐牌，俾我意想不到既驚喜，除咗雞煲同一段火鍋料，估唔到仲有其他特色小菜，除左雞煲，一於再點其他試下。因為我地冇點其他火鍋料，店員好有心幫我地係傍邊滾起先上枱，完全唔會浪費位置，服務都幾貼心。雖然我地點唔辣，不過依然夠晒入味，一d都唔淡。八珍豆腐煲亦都足料夠出色，特色煎墨魚餅亦都夠彈牙，好有口感。蜜汁薯仔牛柳粒味道十足，干炒牛河亦都夠晒火喉，同街邊大排檔一樣鑊氣十足。最令我驚喜既係隻燒咸豬手，味濃得黎又唔會太咸，仲要精美上枱呢下估唔到，呢餐飯真係令到我地十分滿足。