Video
Read full review
2006-04-11
31 views
11-1-2006 1838難得一日蛇曬王出黎去威，盡慶完之後當然要食番的好野補充體力，本來在第2個地方攪掂，有朋友話這裡會方便的，於是在這裡安排飯局，還記得上次黎既時候是某一年的初春，不過席上的朋友已經換成另一批的「新世代」。該晚連埋我共有7位，被安排近門口的檯，除了別人開門閂門要食風外，感覺上比上樓既一層好些少，連飯及湯我地叫了11道菜式，會逐一介紹。第1味係客家狗仔燜鮮羊肉，這味菜絕對沒有你地好想食的配料如枝竹及馬蹄，完全係靠羊的新鮮度、煮的方法及汁醬去完成，羊肉還有少少應該的鮮及羶味，還有係用gas爐上，汁醬收得好燶，如大火既時候，的汁會彈到周圍都係，要小心的，隨羊附上生菜一碟，可以與羊一齊去滾，汁的精華落在生菜上，非常好食，就算有幾好味的馬蹄枝竹羊腩煲也要行埋一邊。第2味係走地雞半隻，第1次見到個樣時，仲以為白斬雞，因為我媽媽鄉下的出品通常係好薄皮及瘦，這裡比較肥美，當然唔會肥到冇雞味，食落去係新鮮貨色兼有雞的鮮味，皮如果薄及瘦番既，會更加好，後尾我地都整多半隻。之後的上菜上檯速度也加快了。跟住黎既兩味比先前既清新既，前者就是水瓜煮魚鰾，魚鰾又名花膠/魚肚/魚膠，這裡用了沙爆
難得一日蛇曬王出黎去威，盡慶完之後當然要食番的好野補充體力，本來在第2個地方攪掂，有朋友話這裡會方便的，於是在這裡安排飯局，還記得上次黎既時候是某一年的初春，不過席上的朋友已經換成另一批的「新世代」。該晚連埋我共有7位，被安排近門口的檯，除了別人開門閂門要食風外，感覺上比上樓既一層好些少，連飯及湯我地叫了11道菜式，會逐一介紹。
第1味係客家狗仔燜鮮羊肉，這味菜絕對沒有你地好想食的配料如枝竹及馬蹄，完全係靠羊的新鮮度、煮的方法及汁醬去完成，羊肉還有少少應該的鮮及羶味，還有係用gas爐上，汁醬收得好燶，如大火既時候，的汁會彈到周圍都係，要小心的，隨羊附上生菜一碟，可以與羊一齊去滾，汁的精華落在生菜上，非常好食，就算有幾好味的馬蹄枝竹羊腩煲也要行埋一邊。
第2味係走地雞半隻，第1次見到個樣時，仲以為白斬雞，因為我媽媽鄉下的出品通常係好薄皮及瘦，這裡比較肥美，當然唔會肥到冇雞味，食落去係新鮮貨色兼有雞的鮮味，皮如果薄及瘦番既，會更加好，後尾我地都整多半隻。之後的上菜上檯速度也加快了。
跟住黎既兩味比先前既清新既，前者就是水瓜煮魚鰾，魚鰾又名花膠/魚肚/魚膠，這裡用了沙爆魚肚，蝦米一的都唔少，水瓜亦是如此，加上魚鰾本身的鮮味，也不須花「師傅」去錦上添花，還有肉碎，但顯得有點畫蛇添足；後者又係以蝦米作為配料的清新菜式：雲腿蝦米魚湯大芥菜，芥菜幾靚，唔苦，加上其金華火腿及魚湯的味道，作為係街外成日成肉的我(有時叫菜仲貴過叫肉)，也禁不住食了不少，尤其係的蝦米，正所為寶物沈歸底。
食完兩味清清地的菜式後，係時候轉一轉口味食番的炸物，其中一款既係鴛鴦棗，當然唔係蜜棗，而係蝦棗及墨斗棗的隻拼，兩樣食物都係打去起曬膠先去炸，而不會炸定的先再翻炸，同甜酸醬一齊去食，簡直係絕配，都係該句，新鮮炸上黎既，就要新鮮食，但切記要吹一吹先好食，整親個喉嚨就唔好啦，我就連鋪在底下的生菜都唔放過。
只係菜，冇粒炒粉麵飯點會飽，這裡最出名的係豬油撈飯，間唔中食少少冇相干，不過所載的不是啡色的砵仔，而只是蒸飯所用的有花藍色器皿，欠左少少風味，有所失望，飯仍然係一粒粒，而豬油及甜豉油都係微暖，味道當然係好啦，偶然放縱一下冇乜所為，如果的豬油係燒豬所提練出來既就更加正斗。
就先既兩味以蝦米作配料的其實可以算係湯菜一類的菜式，跟住黎就的菜式都係這樣，今次就蕃茄作為配料，而主角就係懵仔魚，又名鯨龍，肉質比較實同埋鞋，不過又唔係想象之中咁差，起碼有得趙下的肉同埋皮，加埋豆腐卜浸在「汁」裡，差唔多又俾我地掃清，這道菜的名稱就是蕃茄炆懵仔魚。以上的幾道菜，已有肉及海鮮，都未夠，係其他類型的海鮮，選取了姜豉葱爆珍珠螺，珍珠螺冇沙，唔知急凍或冰鮮，加上大量姜片及葱段去爆，炒得幾香，不過一般食店處理有豆豉的菜式時，都犯上老毛病，只係浸過水就同其他材料一齊去煮，缺點就係使到豆豉的香味沒有帶到出來，要好味，浸完水後，要切碎，然後加少少生抽調味，如果唔係咁，不如唔落仲好，做裝飾未輪到佢。
而有菜有飯亦當然要有湯，我地就叫了今晚的例湯石九公煲大芥菜，石九公爆香，然後落水，再加埋大芥菜，鮮味十足兼有些少奶白色的湯，自己連渣都飯同食了不少；另一味炸物係南乳香炸門鱔，南乳味好濃，門鱔又大件，炸得又香脆，連細骨都食埋落肚，係值得一叫的菜式。
最後一味係毫不起眼既蝦醬蒸五層肉，我估計五層肉既意思係一層皮、一層肥膏、一層肉，之後再黎肥膏及肉，是晚大部份只有三層，睇落去有少少唔敢食，試過第1舊之後，就不斷添食，原因係的油逼曬出黎，肉及肥膏一的都唔肥，加上蝦醬夠味，入左豬肉後更加突出其味道，個個都好怕咁，我就一於好少理咁清袋，底既只有一層好薄既油，當然係倒唔到出來。
埋單大約每位110蚊，相當有水準及有少少喜出望外，假以時日必會再翻炒。
Post
