La Postre (永樂街) (Closed)

十二月是一個特別多聚餐的月份，每次上openrice"搵食"，都被這餐廳的"sexy six"相片吸引。但因今次只有兩人，無緣品嘗。餐廳位置上環站A2出口，就在"樓上"燕窩莊對面，很易搵。5pm去到，先order cocktail來個Happy Hour.在openrice見好多人都order La postre，我就試吓啦。 個人口味問題，覺得有點言過於實，入口有些似藥水味，但presentation就幾吸引。相對地，blue moon較為好飲D,但都係一般。頭盤:黑毛豬PARMA HAM拌蜜瓜。PARMA HAM 味偏淡，適合口味淡的我。主菜:黑松露忌廉 RISOTTO。好味到不得了西班牙豬仔骨係WAITRESS 妹妹介紹，佢話比較多人叫。果然冇介紹錯，真係香氣撲鼻，不過兩個人食一定會剩要打包。啖啖肉太膩了。今晚主題其實就係麻糬WAFFLE必食推介。食之前先好落ORDER,外脆內Q，又夠熱，又夠香。但之前真係食得太飽，所以只ORDER半份。