上海婆婆336 (Closed)

過開坑口探下朋友，甘晚飯就決定一齊食好耐無食過既上海菜，我地既target就係東港城入面既上海婆婆336, 而336既意思就係上海話謝謝儂甘解。店內外既裝潢亦有別於一般既上海菜館，相比起下更mordern.上海婆婆336亦推廣緊各種創意蟹粉既菜式，甘我地係蟹粉既愛好者甘當然試左幾款。蟹粉炒河蝦 - 蟹粉味確係幾濃郁，河蝦雖不算非常大隻但好爽口，一道我幾欣賞既創意料理。蟹粉炒年糕 - 上海炒年糕就食得多，蟹粉炒年糕倒真第一次食到。蟹粉同年糕既配撘又出奇地夾，年糕亦炒得軟硬適中。上海雲吞湯拉麵 - 味道較清淡，但食左幾道較濃味既蟹粉菜式後中和返味蕾都幾好，雲吞餡料好飽滿，拉麵我覺得亦軟硬適中。食得上海菜又點可以唔食小籠包呢，上海婆婆336既小籠包果然無令我地失望，皮薄又餡靚，一咬開全是熱辣辣既湯汁，非常滿足。有朋友係素食者，甘我地亦叫左一份素菜蒸餃，餡料都好飽實，味道亦幾濃郁，我亦好中意素菜餃外皮果種煙un口感。香蕉高力豆沙 - 師傅整得好鬆軟，有d似梳乎里既口感，唯獨豆沙略嫌少左d.