Video
Read full review
2019-05-22
69 views
每年五月又到老细照肺嘅日子，今年公司搬舖，人事調動亦多，員工士氣麻麻，聽聞來年更有炒人嘅消息，人心惶惶……好彩既係公司滿意我今年嘅表現，有上司口頭讚賞亦有少少人工加，十分感恩，今次又可以打正牌頭食好西。上網做功課見到錦田有間鐵板燒環境及食物唔錯，雖然遠左d，但駕車也方便，所以決定要實地考察。估唔到呢到係一個美食城， 喺個小區裏面有十多間食店， 有普通嘅餐廳、泰國菜、日本菜…… 黎呢度食嘢好有度假嘅感覺。鍾意食鐵板燒係因為覺得佢讓你眼睛都在享受 ，鋪頭細細可以享受同廚師傾計嘅時光。呢個前菜最大嘅特色，就係用日本蓮花花莖做沙律， 非常爽口， 第一次試。今晚我哋就係食呢個套餐 第一味海鮮係北海道帶子， 非常大隻同厚身。 廚師話佢哋來貨新鲜，冇擺入雪櫃急凍， 所以好彈牙， 值得一提佢哋嘅三文魚子， 有特別處理過，所以食落好去冇腥味。 佢哋個上湯加上新鲜嘅紫菜，一试難忘。銀鱈鱼外脆內嫩入口即溶用響螺煲湯就试得多， 第一次用嚟炒， 廚師話唔使落任何調味就食到佢嘅鮮甜， 果然冇呃我。肥仔廚師刀功非常好， 兩三下手勢就已經將龍蝦剝咗殼， 而且炒嘅時候加咗龍蝦羔同海膽，超正。由於我哋一個食牛,一個食豬,
上網做功課見到錦田有間鐵板燒環境及食物唔錯，雖然遠左d，但駕車也方便，所以決定要實地考察。
估唔到呢到係一個美食城， 喺個小區裏面有十多間食店， 有普通嘅餐廳、泰國菜、日本菜…… 黎呢度食嘢好有度假嘅感覺。
鍾意食鐵板燒係因為覺得佢讓你眼睛都在享受 ，鋪頭細細可以享受同廚師傾計嘅時光。
呢個前菜最大嘅特色，就係用日本蓮花花莖做沙律， 非常爽口， 第一次試。
今晚我哋就係食呢個套餐
第一味海鮮係北海道帶子， 非常大隻同厚身。 廚師話佢哋來貨新鲜，冇擺入雪櫃急凍， 所以好彈牙， 值得一提佢哋嘅三文魚子， 有特別處理過，所以食落好去冇腥味。 佢哋個上湯加上新鲜嘅紫菜，一试難忘。
銀鱈鱼外脆內嫩入口即溶
用響螺煲湯就试得多， 第一次用嚟炒， 廚師話唔使落任何調味就食到佢嘅鮮甜， 果然冇呃我。
肥仔廚師刀功非常好， 兩三下手勢就已經將龍蝦剝咗殼， 而且炒嘅時候加咗龍蝦羔同海膽，超正。
由於我哋一個食牛,一個食豬, 我只可以介紹返我個西班牙黑毛豬， 煮緊嘅時候已經香噴噴好香濃， 食落去就非常juicy。
最後仲有一個炒飯、野菜 同一個超好味嘅魚湯， 廚師話呢個魚湯只係加咗15斤魚同豆腐，煑到奶白色 ，呢碗湯令到整件事十分完整同完美。 但由於篇幅有限，唔能夠再擺上， 我強烈要求大家親身試下。
Post
